Follow by Email

Thursday, February 5, 2009

ആപ്പി



ആപ്പി ഒരു മനുഷ്യനാണ്. ഒരുപാട് പ്രത്യേകതകളുള്ള ഒരു മനുഷ്യൻ. എന്റെ നാട്ടുകാരൻ. അയൽ‌വാസി.

വാരികാട്ട് കൃഷ്ണന് ആപ്പി എന്ന പേർ സമ്മാനിച്ചത് അദ്ദേഹത്തേക്കാൾ 15 വയസ്സ് കുറവുള്ള ഞാനാണ്.
കാരണമുണ്ട്.

മുൻപൊരിക്കൽ ഞാൻ പറഞ്ഞിരുന്നതുപോലെ, എന്റെ ഗ്രാമമായ പടിഞ്ഞാറ്റിൻ‌കര പണ്ടൊരു കുഗ്രാമമായിരുന്നു. നിറയെ നന്മകളും ഒപ്പം സ്വാഭാവികമായും ചെറിയ തിന്മകളും അല്പസ്വല്പം അനാചാരങ്ങളുമൊക്കെ പുലർത്തി പോന്നിരുന്ന, കേരളത്തിലെ മറ്റേത് ഗ്രാമങ്ങളെയും പോലെ തന്നെ ഒരു ഗ്രാമം. നാട്ടിൽ കൂടുതലും ക്രിസ്ത്യാനികൾ. അവയ്ക്ക് റോമൻ, തെക്കുമ്പാവർ(ക്നാ‍നായി), അവശ തുടങ്ങിയ വകഭേതങ്ങൾ. രണ്ട്നമ്പൂതിരി കുടുംബങ്ങൾ. പിന്നെ കുറെ നായന്മാർ, അവരിലെ മുന്തിയവരായി പരിഗണിക്കുന്ന കൈമൾമാർ, ഏതാനും ഈഴവ കുടുംബങ്ങൾ പിന്നെ കുറെ പുലയർ, പറയർ, വേലർ, വേട്ടോൻ, വിളക്കിത്തല എന്നീ വിഭാഗങ്ങളെ പ്രതിനിധീകരിച്ചും കുറച്ച് കുടുംബങ്ങൾ.

എന്റെ ചെറുപ്പകാലത്ത് താഴ്ന്ന ജാതിയിൽ പെട്ടവരെ, അവർ എത്ര മുതിർന്നതായാലും പേര് പറഞ്ഞ് സംബോധന ചെയ്യുന്നതായിരുന്നു ‘മര്യാദ‘.!!!. (ഇന്നങ്ങനെയല്ല. പറയുമ്പോൾ എല്ലാം പറയണമല്ലോ. ഞാൻ പ്രതിനിധീകരിക്കുന്നത് നായർ വിഭാഗത്തെയാണ് ). അതിനാൽ തന്നെ വീട്ടിൽ കൂലിപ്പണികൾക്കായി വരുന്നവരും അല്ലാത്തവരുമായ കീഴാളരെ പേര് ചൊല്ലി വിളിക്കുക എന്നതായിരുന്നു കീഴ്വഴക്കം.

എനിക്കെന്തോ ചെറുപ്പം മുതലേ ആ ഒരു രീതിയോട് പൊരുത്തപ്പെടാൻ കഴിഞ്ഞിരുന്നില്ല. എന്നാൽ ‘ ചേട്ടാ, മാമാ ‘ തുടങ്ങിയ സംബോധനകൾ നടത്തിയാൽ അത് കീഴാളരായി സ്വയം വിലയിരുത്തപ്പെട്ട വിഭാഗത്തിന് ദഹിക്കുകയുമില്ല. അവർ വിളികേൾക്കുകയുമില്ല. ഉദാഹരണത്തിന് നമ്മുടെ കഥാനായകൻ ആപ്പി എന്ന കൃഷ്ണൻ, പാട്ടുപുരയ്ക്കൽ കാവിൽ മറ്റ് ഭക്തജനങ്ങളുടെ കൂടെ ദീപാരാധന തൊഴാൻ നിൽക്കുന്നു എന്ന് വിചാരിക്കുക. നിരീശ്വരവാദിയായ ഞാൻ അമ്പലമതിലിന് പുറത്ത് നിന്ന് ആ‍പ്പിയെ “ കൃഷേട്ടാ.. “ എന്ന് നീട്ടി വിളിച്ചാൽ തിരിഞ്ഞ് നോക്കുന്നത് മഴുവന്നൂരെ കൃഷ്ണച്ചേട്ടൻ ആയിരിക്കും. സുനിശ്ചിതം.

അപ്പോൾ ‘വിപ്ലവം‘ നടപ്പിലാക്കാം എന്നെ എന്റെ മോഹം വ്യാമോഹമാക്കുന്നത് ആരാണ്? കീഴ്ജാതിയിൽ പെട്ട മറുതക്കൾക്ക് മേൽജാതിയിൽ പെട്ട ഈ മറുതകളോട് എന്താണിത്ര വിധേയത്വം?

അതിനാലാണ് ഞാൻ ഓരോരുത്തർക്കും ഏന്റെ വായിൽ വരുന്ന ഓരോ പേരുകൾ നൽകിയത്. കൃഷ്ണനെ ആപ്പിയെന്നും, രാജപ്പനെ ഗുരുക്കൾ എന്നും, പൈലോയെ ‘തമ്പ്രാൻ’ എന്നും, തങ്കച്ചനെ തങ്കു എന്നുമൊക്കെ വിളിച്ച് വന്നത്. ഇനിയുമുണ്ട് പേരുകൾ ഒക്കെയും പറഞ്ഞാൽ കഥ നീളും.

അതിനാൽ കൂടുതൽ നീട്ടുന്നില്ല. ജാതി,മത വേർതിരുവുകളില്ലാതെ എല്ലാവരും സാഹോദര്യത്തോടെയാണ് ഇന്നെന്റെ നാട്ടിൽ കഴിയുന്നതെന്ന അഭിമാനത്തോടെ കഥാനായകൻ ആപ്പിയിലേയ്ക്ക് ഞാൻ പോവുന്നു.

നാട്ടിലെ പ്രധാനകാളപൂട്ടുകാരനായിരുന്നു ആപ്പി. കറുത്ത നിറം. കരിവീട്ടിയിൽ കടഞ്ഞെടുത്തപോലെയുള്ള ശരീരം. നെറ്റിയിൽ ഒരു മുറിപ്പാട്. എണ്ണതേച്ച് പറ്റെ പിന്നിലോട്ട് ചീകിയ മുടി. ഇടത്തരം പ്ലാവിലയുടെ വലിപ്പമുള്ള ചെവികൾ. മോണകാട്ടിയുള്ള ചിരി. മുഴുവൻ സമയവും, അപ്രതീക്ഷിതമായി ഓണം ബംബർ അടിച്ചവന്റെ പോലുള്ള, തുറിച്ചകണ്ണുകൾ. പണ്ടെന്നോ ഒരിക്കൽ പാളയം സ്കൂളിന്റെ ഓട് പുതുക്കിമേയാൻ കേറിയതാണ് ആപ്പിക്ക് സ്കൂളുമായുള്ള, പൊതുജനം അറിയുന്ന ഏകബന്ധം.

എങ്കിലും തുമ്പി താണുപറന്നാൽ മഴപെയ്യുമെന്നും കാർമേഘങ്ങൾ പടിഞ്ഞാട്ടാണ് പായുന്നതെങ്കിൽ മഴ കൊതിപ്പിച്ച് മറയുമെന്നും മിന്നലിന് ശേഷം ഇടിശബ്ദം ക്കേൾക്കുമ്പോൾ അത് എത്ര അകലെയായിരിക്കും വെട്ടിയതെന്നുമൊക്കെ ആപ്പി കൃത്യമായി പ്രവചിച്ചിരുന്നു. നീല കള്ളിവരയൻ കൈലിയും കരിമ്പനടിച്ച ഒരു ചുവന്ന ത്തോർത്തുമായിരുന്നു ആപ്പിയുടെ വേഷം. ചെരിപ്പ്, വാച്ച്, ഷർട്ട് ഇവയൊന്നും ധരിച്ച ആപ്പിയെ നാ‍ട്ടിലാരും കണ്ടിട്ടില്ല.

ആർക്കും ഏത് സമയവും എന്ത് സഹായവും ചെയ്യാൻ മുന്നിട്ടിറങ്ങുന്ന ആപ്പിയെ നാട്ടുകാർക്കെല്ലാം ഇഷ്ടമായിരുന്നു. എത്ര ഉയരത്തിലുള്ള ആഞ്ഞിലി മരത്തിലും കയറി വിള പറിച്ച് തരികയും ഇല്ലത്തെ വലിയ നാട്ടുമാവിന്റെ തുഞ്ചത്തുകയറി മാമ്പഴം കുലുക്കിയിട്ട് തരികയും ചെയ്യുന്നതുകൊണ്ട് ഞങ്ങൾ കുട്ടികൾക്ക് ആപ്പിയെ വലിയ ഇഷ്ടവുമായിരുന്നു. മാത്രവുമല്ല ആപ്പി ഒരു നിമിഷകവികൂടിയായിരുന്നു. വായിൽ വരുന്ന വാക്കുകൾ കൂട്ടിയിണക്കി നല്ല താളത്തിൽ ചൊല്ലും. അന്നുമിന്നും അതിനൊക്കെ എന്തെങ്കിലും അർത്ഥം ഉള്ളതായി എനിക്ക് തോന്നിയിട്ടില്ല.

ഭക്ഷണപ്രിയനായ ആപ്പിയുടെ ഉച്ചയൂ‍ണും ബഹുരസമാണ്. ഇടങ്ങഴിയരിയുടെ ചോറ്‌ കഴിക്കാൻ ആപ്പി ഉപയോഗിക്കുന്നത് അര മുറി പച്ചത്തേങ്ങ മാത്രം!!!

എന്നാൽ ആപ്പി ഒരു നിഷ്കളങ്കനും ഒപ്പം ഭയങ്കര ധീരനും ആയിരുന്നു എന്ന ബോധ്യം ജനങ്ങൾക്കുണ്ടായത് ആ രണ്ട് സംഭവങ്ങൾക്ക് ശേഷമായിരുന്നു. അത് ഞാൻ ചുരുക്കി പറയാം.

ആപ്പി ഒരു നിഷ്കളങ്കനാണെന്ന് ജനം മനസ്സിലാക്കിയ സംഭവം.

ഒരിക്കൽ, എടിയോടിയിലെ മുത്തശ്ശിയുടെ കണ്ണിൽ എന്തോ അസുഖം ബാധിച്ചു. നന്ദ്യാർവട്ടത്തിന്റെ പൂവ് മുലപ്പാലിൽ ചാലിച്ച് കണ്ണിലൊഴിക്കാൻ കിഴക്കേടത്ത് വൈദ്യൻ നിർദ്ദേശിച്ചു. അമ്പലമുറ്റത്ത് നന്ദ്യാർവട്ടമുണ്ട്. എന്നാൽ മുലപ്പാൽ എവിടെ നിന്ന് ലഭിക്കും എന്നതായി മുത്തശ്ശിയുടെ വീട്ടുകാരുടെ ചിന്ത. ആപ്പിയെ ഈ വിവരം അറിയിച്ചു. കാർക്കാനാലെ സജിയുടെ ഭാര്യ ഷേർളി പ്രസവിച്ചിട്ട് 6 മാസമേ ആയുള്ളു. അത്യാവശ്യം മുലപ്പാൽ അവിടെനിന്ന് ശേഖരിക്കാമെന്ന് ആപ്പി.

ഒരു മൊന്തയുമായി ആപ്പി കാർക്കനാലെത്തി. റബ്ബർഷീറ്റ് അടിച്ചിട്ടതിന് ശേഷം ഷേർളി തിണ്ണയിൽക്കിടന്ന് മയങ്ങുന്നു. സജിച്ചേട്ടൻ വീട്ടിലില്ല. പാവം ഷേർളി. ഷീറ്റടിച്ചതിന്റെ ക്ഷീണത്തിൽ മയങ്ങുകയല്ലേ, വിളിക്കണ്ട, തനിക്ക് വേണ്ടത് അത്യാവശ്യം പാലല്ലേ അത് കറന്നെടുത്തതിന് ശേഷം പിന്നെക്കാണുമ്പോൾ പറഞ്ഞാൽ പോരെ എന്ന ശുദ്ധവിചാരത്തിൽ ആപ്പി ഷേർളിക്കരികിലിരുന്ന് നൈറ്റിയുടെ ഹുക്ക് എടുത്തു. കഷ്ടകാലത്തിന് ആ നിമിഷം വീട്ടിലേയ്ക്ക് കയറിവന്ന സജി ആപ്പിയെ തെറ്റിദ്ധരിക്കയും കഴുക്കോലിനിടയിൽ തിരുകി വച്ചിരുന്ന തൂമ്പയുടെ പിടി എടുത്ത് ആപ്പിയുടെ പിടലി ലക്ഷ്യമാക്കി വീശുകയും ചെയ്തു. ബാക്കി ഊഹിക്കാമല്ലോ? എങ്കിലും ആ സംഭവത്തിന് ശേഷം നാട്ടുകാർ മനസ്സിലാക്കി ആപ്പി എന്ന കൃഷ്ണന്റെ നിഷ്കളങ്കത.

ആപ്പി ഒരു ധീരനാണെന്ന് ജനം മനസ്സിലാക്കിയ സംഭവം.

നാട്ടിൽ വാറ്റ് ചാരായത്തിന്റെ ഹോൾസെയിൽ ബിസിനസ്സ് നടത്തുന്നയാളാണ് ‘ പീലിച്ചൻ’ എന്ന് വിളിക്കുന്ന ജോയ്. തോട്ട് വക്കിലുള്ള തഴക്കുള്ളിൽ ഒരു വലിയ കന്നാസിലാണ് ചാരായം സൂക്ഷിച്ചിരിക്കുന്നത്. ഒരിക്കൽ ആരോ ഒറ്റിയതിന്റെ ഫലമായി മരങ്ങാട്ടൂപള്ളി സ്റ്റേഷനിലെ എസ്.ഐ. മാരാർ പീലിച്ചനെ തൊണ്ടി സഹിതം പിടിച്ച് ജീ‍പ്പിൽ കയറ്റി. അപ്പോഴാണ് ആപ്പി കാളകളുമായി അവിടെ വരുന്നത്. കാളകളെ ജീപ്പിന് മുന്നിൽ കെട്ടി ആപ്പി ജീപ്പിനുള്ളിൽ നിന്ന് തൊണ്ടി സാധനമെടുത്ത് തോട്ടിലൊഴുക്കി മാരാരോട് നരസിംഹം ശൈലിയിൽ ഇങ്ങനെ പറഞ്ഞെത്രെ ” ഏടോ, മാരാ സാറേ. ദാ, നിക്കുന്ന കാളേമ്മാര് ആരാന്നാ നെന്റെ വിചാരം. കേറേക്കൊല്ലമായി ‘മാണിസാറിന്റെ’ ( കെ.എം.മാണി ) കണ്ടം പൂട്ടുന്നോമ്മാരാ. അവമ്മാരെങ്ങാനും ഈ വിവരം മാണിസാറിനെ അറീച്ചാൽ മാരാന്റെ ‘മൈ..’ പോലും കാണില്ല. അതോണ്ട് സാറാ പീലിച്ചനെ ഇങ്ങെറക്ക് “ ( ഈ സംഭവം നേരിൽ കണ്ടവരാരുമില്ല. എങ്കിലും ഇങ്ങനൊരു കഥ നാട്ടിൽ പാട്ടാണ്. പീലിച്ചനും ഇന്നേവരെ അതിനെ പ്രതികൂലിച്ച് പ്രസ്ഥാവനയും ഇറക്കിയിട്ടില്ല. )

ഇതൊക്കെ നടക്കുന്നത് ഏതാണ്ട് 15 വർഷങ്ങൾക്ക് മുൻപാണ്. എന്നാൽ എന്നാൽ ധീരനും വീരനും ഒപ്പം നിഷ്കളങ്കനുമായ ആപ്പിയെ കഴിഞ്ഞ ഈസ്റ്റർ ദിവസം കണ്ടുമുട്ടിയതിന്റെ വിശേഷം കൂടി പറഞ്ഞ് ഇത് അവസാനിപ്പിക്കാം.

ഈസ്റ്റർ തലേന്ന് തന്നെ ഞാൻ നാട്ടിലെത്തി. വൈകിട്ട് ആപ്പിയെ കണ്ടു. സംസാരിച്ചു. പിറ്റേന്ന് ഉച്ചയൂണും കഴിഞ്ഞ് മീനച്ചിലാറ്റിൽ മീൻ പിടിക്കാൻ പോവാമെന്ന തീരുമാനത്തിൽ ഞങ്ങൾ പിരിഞ്ഞു.

കൃത്യസമയത്ത് തന്നെ ആപ്പി വീശ് വലയം 2 വാളച്ചൂണ്ടയുമായി എത്തി. ആള് വലിയ ആഹ്ലാദത്തിലാണ്. എന്റെ തിരുവനന്തപുരത്തെ പൊറുതി തുടങ്ങിയിട്ട് ഇത്തരം നേരമ്പോക്കുകൾ അപൂർവ്വമായേ ഉണ്ടായിട്ടുള്ളു. ചൂണ്ടകളും വീശുവലയുമായി 2 മുക്കുവർ കാറിൽ കയറി.

“ പറയെടോ ആപ്പി, തന്റെ വിശേഷങ്ങൾ “

“ എന്നാ പറയാനാടോ, പുതിയ ഒരു ടില്ലർ കൂടി വാങ്ങി. ചേട്ടച്ചാരാണ് അത് പൂട്ടുന്നത്. പിന്നെ പ്രതിഭാ നൃത്തകലാക്ഷേത്രം ഒന്നൂടെ വിപുലപ്പെടുത്തി. പഞ്ചവൻ‌കാട് ആണ് പുതിയ കളി. “

അത് പറയാൻ വിട്ടു. ആപ്പിയ്ക്ക് പണ്ട് സ്വന്തമായി ഒരു ബാലെ ട്രൂപ്പ് ഉണ്ടായിരുന്നു. ‘പ്രതിഭാ നൃത്തകലാക്ഷേത്രം. പടിഞ്ഞാറ്റിൻ‌കര‘ എന്ന പേരിൽ. സാമാന്യം തെറ്റില്ലാത്ത തറ ട്രൂപ്പ്. അരങ്ങേറ്റം പാട്ടുപുരയ്ക്കൽ കാവിൽ തന്നെ. നാട്ടുകാരുടെ ആസ്വാദന നിലവാരം തീരെ പോരാഞ്ഞ് രണ്ട് രംഗങ്ങൾ കഴിഞ്ഞപ്പോളെ കർട്ടനിട്ടു. അതിന്റെ വിശേഷങ്ങൾ പിന്നീട്.

“ ഉവ്വോ, തന്റെയൊക്കെ ധൈര്യം അപാരമാണെടോ ആപ്പി. താൻ പണ്ട് ഗദയും പിടിച്ച് പാടത്തൂടെ പാഞ്ഞതൊന്നും മറന്നിട്ടില്ലല്ലോ? ആട്ടെ. പഞ്ചവൻ‌കാട് എവിടെയെങ്കിലും കളിച്ചോ? “

“ കുമ്മണ്ണൂര് ഒരു കളി ഉണ്ടായിരുന്നു. പക്ഷേ അതങ്ങ് ഏശിയില്ല. എങ്ങനെയാടോ പിള്ളേച്ചാ നന്നാവുന്നേ. ചേട്ടച്ചാരല്ലായിരുന്നോ ശിവനായിട്ട് വേഷമിട്ടേ. ഞാൻ പറഞ്ഞതാ അത് ശരിയാവില്ല ആ‍ വേഷം ഞാനെടുക്കാമെന്ന്. ആര് കേൾക്കാൻ. എന്നെയും മൂങ്ങാ മണിയെയും പിടിച്ച് ഭടൻ ആക്കി. “

“ എന്നിട്ട്? “

“ എന്നിട്ടെന്താ, താണ്ഡവം ആടുന്നതിനൊരു കണക്കില്ലേ. ചേട്ടച്ചാർക്കത് അറിയാവോ? “ഒന്ന്ക്ക് രണ്ട് രണ്ട്ക്ക് ഒന്ന്, ഒന്ന് ഒന്ന് രണ്ട് രണ്ട് “
ആ രണ്ടിൽ വലത് കാല് പിന്നിൽ വരണം. ചേട്ടച്ചാര് എടതുകാല് കുത്തി. എനിക്കെന്റെ കലി എല്ലാം കൂടി എളകി . ഞാൻ സൈഡിൽ നിന്ന് കുന്തം വച്ച് കാലിനൊരു കുത്തങ്ങ് കൊടുത്തു. കളിച്ചില്ലേ കളിച്ചില്ലെന്നല്ലേയുള്ളു. നാട്ട് കാരെ കളിപ്പിക്കാവോ പിള്ളേച്ചാ? “

“ പിന്നെ. അത് വേണം. ശിവൻ താണ്ഡവമാടും താനെന്തിനാടോ കുന്തവുമായി അവിടെ നിന്നെ? “

“ താണ്ഡവം കഴിയുമ്പോഴേ മൂങ്ങാമണിയും ഞാനും കുന്തവുമായി രംഗത്ത് വരണമല്ലോ? പിള്ളേച്ചാ, കുത്തിതല്ലടോ പ്രശ്നം. കുത്തുകൊണ്ടിട്ട് ചേട്ടച്ചാർ ‘ എടാ, മയിരേന്ന് ‘ വിളിച്ച് എന്റെ കഴുത്തേലോട്ട് ഒരു പിടി അല്ലായിരുന്നോ. അതോടെ നാട്ടുകാരുടെ പിടിവിട്ട് പോയി. അവരേം കുറ്റം പറഞ്ഞിട്ട് കാര്യമില്ല. പരമശിവൻ തെറിവിളിച്ച് ചാടിയാൽ നമ്മളാണേലും കല്ലെടുത്തെറിഞ്ഞ് പോവില്ലേ.“

“ ഹ ഹ എന്റെ ആപ്പി. നാട്ടുകാരുടെ ക്ഷമ പരീക്ഷിക്കുന്നത് പോട്ടെ. സാക്ഷാൽ പരമശിവൻ തന്നെ ഈ കളി പൊറുക്കിയേല കെട്ടോ. നിങ്ങളിതിവിടെ വച്ച് മതിയാക്ക്. “

അങ്ങനെ ഒന്നും‌രണ്ടും പറഞ്ഞ് ഞങ്ങൾ ആറ്റുവക്കിലെത്തി. അപ്പോഴാണ് സ്വല്പം കള്ള് കുടിക്കണമെന്ന പൂതി എന്നിൽ നുരഞ്ഞത്. എന്റെ പൂതിയോട് അനുഭാവപൂർണ്ണമായ ഒരു സമീപനം ആപ്പിയുമെടുത്തതുകൊണ്ട് ഞങ്ങൾ ചൂണ്ടയും വലയും കടവിൽ വച്ച് വണ്ടി ഷാപ്പിലേക്ക് തിരിച്ചു.

ഈസ്റ്ററായിട്ടും ഷാപ്പിൽ തിരക്ക് കുറവായിരുന്നു. ആകെയൊരു ശാന്തത. ഷാപ്പ് ഷാപ്പിന്റെ അസ്തിത്വം വെടിഞ്ഞ പോലെ.

ഷാപ്പിലെ കണക്കുപ്പിള്ള ഫിലിപ്പ് ചേട്ടൻ ആപ്പിയുടെ സ്നേഹിതനായിരിന്നു. രാവിലെ ഷാപ്പിൽ ഒരു കത്തിക്കുത്ത് നടന്നിരുന്നുവെന്നും ഇടയ്ക്കിടെ പോലീസ് അന്വേഷിച്ച് വരുന്നുണ്ടെന്നും അതിനാൽ അധികം ബഹളങ്ങളൊന്നുമുണ്ടാക്കരുതെന്നും ഫിലിപ്പേട്ടൻ സ്നേഹപൂർവ്വം ഓർമ്മിപ്പിച്ചു.

എന്റെ ഉള്ളിൽ ചെറിയൊരു ഉത്കണ്ഠ നിറഞ്ഞു.

“ ആപ്പി, നമുക്ക് പോയാലോ? തെക്കും‌മുറി ഷാപ്പിൽ പോയി കഴിക്കാം. “

“ പിള്ളേച്ചാ, നമ്മളിവിടെ പ്രശ്നമൊന്നുമുണ്ടാക്കിയില്ലല്ലോ. താൻ ധൈര്യമായിരിക്ക്. ഈ പോലീസുകാരെയൊന്നും അത്രയ്ക്ക് പേടിയ്ക്കേണ്ട കാര്യമൊന്നുമില്ല. എല്ലാം വെറും കാപെറുക്കികളാ. ആളും തരോം നോക്കിയേ അവന്മാര് കളിക്കത്തൊള്ളു. “

ആപ്പി തുടർന്നു.

“ പിലിപ്പേ, ഈരണ്ട് കുപ്പി പനയും രണ്ട് കപ്പയും...പിന്നെ.. മീങ്കറി എന്നാ ഒണ്ട്? .. “

“നല്ല നെയ്മീൻ ചൂരയുണ്ട്. എടുക്കട്ടെ?“

“ ആ.. രണ്ട് പ്ലേറ്റെടുത്തോ പിലിപ്പേട്ടാ “

കള്ളും കപ്പയും മീൻ‌കറിയും നിരന്നു. ഫിലിപ്പേട്ടന്റെ നിർബന്ധത്താൽ ഒരു കാടക്കറിയും പറഞ്ഞു.

ഒന്നിനോടും താത്പര്യം തോന്നിയില്ല. ഏത് സമയത്തും ഒരു പോലീസ് ജീപ്പ് വരാം. പഴയ മാരാർ സാറിനോട് പെരുമാറിയപോലെയെങ്ങാനും ആപ്പി പെരുമാറിയാൽ അകത്തായതുതന്നെ. ‘ മാണി സാറിനെ പരിചയമുള്ള ‘ കാള പോലും ആപ്പിയുടെ കൂടെയില്ലല്ലോ എന്ന് ഞാനോർത്തു. എന്റെ ടെൻഷൻ മനസ്സിലാക്കിയിട്ടെന്നപോലെ ആപ്പി “ ഒരു കോപ്പുമില്ലെടോ..താൻ കഴി.. പോലീസൂകാരോട് പോയി തൊലയാൻ പറ “ എന്ന് പറഞ്ഞ് എന്നെ ആശ്വസിപ്പിച്ചു.

ആപ്പിയുടെ ആശ്വാസവാക്കുകൾ എന്നിലെ ഭീതിയെ വീണ്ടും ആളിക്കത്തിച്ചു. ഈശ്വരാ ഇയാൾ തുലച്ചത് തന്നെ.

ഒരു കുപ്പി തീർത്തപ്പോളേയ്ക്കും നേരിയ ഒരു ആശ്വാസം എനിക്ക് അനുഭവപ്പെട്ടു. ആപ്പി അതിനിടയിൽ മുറിയിലെ വൃദ്ധനായ കുടിയനോട് ചങ്ങാത്തത്തിലായി കഴിഞ്ഞു. ജില്ലയിൽ ഏറ്റവും നല്ല കള്ള് കിട്ടുന്ന ഷാപ്പ്, പാലക്കാടൻ കള്ളിന്റെ ദോഷം, കള്ളിൽ ചേർക്കുന്ന വിവിധയിനം മായങ്ങൾ എന്നിവയെക്കുറിച്ചൊക്കെയുള്ള ചർച്ചകൾക്ക് ശേഷം നാടൻ പാട്ടുകളിലേയ്ക്കും കടന്നു.

ഇടയ്ക്ക് ഫിലിപ്പേട്ടൻ വന്ന് ശബ്ദം താഴ്ത്താൻ ആവശ്യപ്പെടുന്നു. അതനുസരിച്ച് പാട്ടിന്റെ ശക്തി കൂടുന്നു. ആപ്പി കൈവിട്ടു പോയെന്ന സത്യം ഞെട്ടലോടെ ഞാനറിഞ്ഞു.

കുപ്പിയിലെ അവശേഷിക്കുന്ന കള്ള് ഗ്ലാസ്സിലേയ്ക്ക് പകർന്നുകൊണ്ടിരിക്കുമ്പോൾ ഷാപ്പിന്റെ മുന്നിൽ ഒരു ജീപ്പ് നിർത്തുന്ന ശബ്ദം ഞാൻ കേട്ടു. ആപ്പി ഡസ്കിലടിച്ച് ലയിച്ച് പാടിക്കൊണ്ടേയിരിക്കുന്നു. തോളിൽ തട്ടി ‘ആപ്പി, നിർത്ത് പോലീസ് ‘ എന്ന് ഞാൻ പറഞ്ഞത് വകവയ്ക്കാതെ അയാൾ താഴെ ചരലിലേയ്ക്ക് തുപ്പി ചിരിച്ചുകൊണ്ട് പാട്ട് ഉച്ചത്തിലാക്കി.

ഫിലിപ്പേട്ടന്റെ മുന്നിലായി ചെക് ഷർട്ടും കാക്കി പാന്റുമിട്ട ഒരു തടിയാപ്പി മുറിക്കുള്ളിലേയ്ക്ക് കയറി വന്നു.

എന്റെ തലകറക്കുന്നത് മദ്യമോ ഭയമോ? ആപ്പി അയാളൂടെ കാക്കി പാന്റ് കണ്ടിരിക്കുമോ? അയാൾ പോലീസാണെന്ന് ആപ്പി തിരിച്ചറിഞ്ഞിരിക്കുമോ? എന്തെങ്കിലും വേണ്ടാധീനം ആപ്പി പറയുമോ?

“ എന്താടാ നിന്റെ പേര്? “ ആപ്പിയെ നോക്കി പോലീസുകാരൻ ഗർജ്ജിച്ചു.

ആപ്പി പേര് പറയുന്നില്ല. പോലീസുകാരന്റെ മുഖത്ത് നോക്കി ശബ്ദം ഒട്ടൊന്ന് കുറച്ച് ധീരനായ ആപ്പി വീണ്ടും പാടി. ഒരുവൻ പേപ്പട്ടിയെ പേടിക്കാത്തത് ധീരതകൊണ്ടോ വിഡ്ഡിത്തം കൊണ്ടോ എന്ന ചോദ്യമേ അപ്പോൾ എന്റെ മനസ്സിലുണ്ടായിരുന്നുള്ളു.

“ കഴുവേറീടെ മോനെ, പേര് പറയെടാ “ - പോലീസുകാരൻ ഡസ്കിൽ തട്ടി അലറി.

ഒരു നിമിഷം ആപ്പി നിശ്ചലനായി. ദൈവമേ! എന്ത് തർക്കുത്തരമാവും ആപ്പി പറയുക. മരണം ഉറപ്പിച്ചു. അത് ഷാപ്പിലാവുമോ സ്റ്റേഷനിലാവുമോ എന്ന ശങ്ക മാത്രമേ എന്നിലിപ്പോൾ ഉള്ളു.

ആപ്പി ബെഞ്ചിൽ നിന്ന് എഴുന്നേറ്റു. ഗ്ലാസ്സിൽ പകർന്ന് വച്ചിരിക്കുന്ന കള്ളിലേയ്ക്ക് വിരൽ ചൂണ്ടി ചൊല്ലി

“ എൻ മുന്നിലിരിക്കും പനനീർ
എന്നുള്ളിൽ ചെന്നാലുടൻ
എൻ പേർ നിന്നോട് ഞാൻ ചൊല്ലിടാം “

ഈശ്വരാ ആപ്പിയിലെ നിമിഷകവി ഉണർന്നിരിക്കുന്നു. ഇനി എന്താവും എന്ന് ആലോചിക്കും മുൻപേ പോലീസുകാരൻ
“ഫ!! കഴുവേറീ, അല്ലാതെ തന്നെ നീ പറയുമോന്ന് നോക്കാമെടാ “ എന്ന് പറഞ്ഞ് കരണം പുകയുന്ന ഒരടി ആപ്പിയുടെ വലത് കവിളിൽ.

പിൻ‌വശത്തെ വെള്ള നിറത്തിലുള്ള പലക മറിച്ച് ആപ്പി ഉടഞ്ഞ് വീണു.

“അയ്യോ.. “ എന്നൊരാർത്തനാദം ആപ്പിയുടെ വായിൽ നിന്നാണോ വീണതെന്ന് മനസ്സിലാക്കും മുൻപ് ആപ്പി ഒരു നിമിഷം കൊണ്ട് ചാടി പിടഞ്ഞെഴുന്നേറ്റ് ഫിലിപ്പേട്ടന്റെ നോക്കി ‘ പിലിപ്പേട്ടാ, അപ്പോ നമ്മടെ കാശ് മൊത്തം ഇപ്പോൾ ...4 കുപ്പി, 2 കപ്പ 3 മീങ്കറി ഒരു കാട . ആകെ മൊത്തം 250-ൽ താഴെ. ഒക്കെ പിള്ളേച്ചൻ തരും “ എന്ന് പറഞ്ഞ് താഴെ വീണ ചുവന്നതോർത്തും എടുത്ത് അഴിഞ്ഞ് വീണ കള്ളിമുണ്ടും ഒതുക്കിപ്പിടിച്ച് ആപ്പി ഷാപ്പിന് വെളിയിലേയ്ക്ക് പാഞ്ഞു.

ഓടുന്നതിനിടയിൽ ആത്മമിത്രം എന്ന നിലയിൽ ആപ്പി എന്നോട് വിളിച്ച് പറഞ്ഞു. “ പിള്ളേച്ചാ ജീവൻ വേണേ ഓടിക്കോ. ആറ്റുമുക്കിൽ ഞാൻ കണ്ടേക്കാം. “

ധീരനായ ആപ്പിയുടെ മരണപ്പാച്ചിൽ കണ്ട് എന്റെ ഭയം ഒരു ചെറുചിരിക്ക് വഴിമാറിക്കൊടുത്തു. പോലീസുകാരന്റെ മുഖത്ത് വിരിഞ്ഞ ചിരി എന്തുകൊണ്ടാണെന്നായിരുന്നു കടവിലേയ്ക്ക് കാറോടിക്കുമ്പോൾ എന്റെ ചിന്ത.

പ്രിയ മിത്രങ്ങളേ,

ഇതുപോലെ രസികരായ ഒരുപാട് കഥാപ്പാത്രങ്ങൾ എന്റെ നാട്ടിലുണ്ട്. നിങ്ങൾക്കാസ്വദിക്കാൻ ആവുന്നുണ്ടെങ്കിൽ ഇടയ്ക്കൊക്കെ ഞാൻ അവരെ നിങ്ങൾക്ക് പരിചയപ്പെടുത്താം. നാളെ ഞാൻ നാട്ടിലേയ്ക്ക് പോവുകയാണ്. ആപ്പിയെ ഞാൻ കാണും. എന്റെ ബൂലോഗ സ്നേഹിതരോട് അയാളെക്കുറിച്ച് ഞാൻ പറഞ്ഞിട്ടുണ്ടെന്ന് പറയുമ്പോൾ ആപ്പിക്കത് സന്തോഷമായേക്കും. അല്ല. സന്തോഷമാവും.

56 comments:

പോങ്ങുമ്മൂടന്‍ said...

പ്രിയ മിത്രങ്ങളേ,

ഇതുപോലെ രസികരായ ഒരുപാട് കഥാപ്പാത്രങ്ങൾ എന്റെ നാട്ടിലുണ്ട്. നിങ്ങൾക്കാസ്വദിക്കാൻ ആവുന്നുണ്ടെങ്കിൽ ഇടയ്ക്കൊക്കെ ഞാൻ അവരെ നിങ്ങൾക്ക് പരിചയപ്പെടുത്താം. നാളെ ഞാൻ നാട്ടിലേയ്ക്ക് പോവുകയാണ്. ആപ്പിയെ ഞാൻ കാണും. എന്റെ ബൂലോഗ സ്നേഹിതരോട് അയാളെക്കുറിച്ച് ഞാൻ പറഞ്ഞിട്ടുണ്ടെന്ന് പറയുമ്പോൾ ആപ്പിക്കത് സന്തോഷമായേക്കും. അല്ല. സന്തോഷമാവും.

G.manu said...

പോങ്ങുനൊരു തേങ്ങ അടിക്കണമെന്ന് കരുതിയിട്ട് കുറെ നാളായി

ഇട്ടോ ഇട്ടൊ ഇട്ടോ...ഇനി വാ‍യിച്ചിട്ട്

BS Madai said...

മനുജിയുടെ പിറകെ ഒരു തേങ്ങയുമായി ഞാനും - ബാക്കി വായിച്ചിട്ട്.

പാഞ്ചാലി :: Panchali said...

ആപ്പി കൊള്ളാം! ബാക്കി കഥാപാത്രങ്ങളും കൂടി പോരട്ടേ!

BS Madai said...

പോങ്ങൂസെ ആപ്പിയെ മാത്രമല്ല, നാട്ടിലുള്ള മൊത്തം ആപ്പിമാരെയും പറ്റി എഴുതൂ - ഓരോരുത്തരെയും പരിചയപ്പെടാന്‍ വായനക്കാര്‍ സന്തോഷത്തോടെ കാത്തിരിക്കുന്നു.

എന്നിട്ട് അന്നു വീണ്ടും ആപ്പിയെ കണ്ടോ, വല വീശിയോ, മീന്‍ കിട്ടിയോ? (ഉത്തരം തരിക)

ഹരീഷ് തൊടുപുഴ said...

പാലായില്‍ എവിടെയാ പോങ്ങൂ; നമുക്കൊന്നു കൂടാം...

ഇതുവായിച്ചിട്ട് പിന്നെ മറുപടീ പറയാം കെട്ടോ; ഇപ്പോ തിരക്കിലാ.. സോറി

Smitha said...

ആപ്പി കൊള്ളാം ,ബാക്കി കൂടെ പൊരട്ടെ ,ആപ്പിയൊടു ബൂലൊക സുഹ്രുതുക്കളുടെ അന്വെഷണം പാറയു.

vipin said...

സന്തോഷായി......പോങ്ങുവേട്ടാ......
ഇതുവരെ, എന്റെ ഒരു കമന്റോ തേങ്ങയൊ ഒരു ബ്ലോഗര്‍ക്കും കിട്ടീട്ടില്ല......എന്റെ കന്നി കമന്റാണ് ...അത് JPBP ഇരിക്കട്ടെ....
കന്നി തേങ്ങ അടിക്കലും....

ഠേ ഠേ..ഠേ ഠേ.,,,,,

ഇനി വായിച്ചിട്ട്........

രണ്‍ജിത് ചെമ്മാട്. said...

ഹതു കലക്കി,....പോരട്ടേ അടുത്തതും

Amjith said...

പൊങ്ങു ..
കൊള്ളാം ..
നനയിടുണ്ട് ..
ഒരു ബഷീര്‍ ടച്ച്‌ ഉണ്ട് പൊങ്ങു ..
ഇനിയും എഴുതണം എല്ലാ കഥാപാത്രങ്ങളെയും കുറിച്ച് ..

തോമാച്ചന്‍™||thomachan™ said...

എന്നാലും ആപ്പിയുടെ ഒരു നിഷ്കളങ്കത, ഓ എനികങ്ങു സുഗിച്ചു ട്ടാ...

Nachiketh said...

വേഗം പോയിട്ട് വാ ആശാനേ........

Bindhu Unny said...

ആപ്പി ജൂസിന്റെ കാര്യമാണെന്ന് കരുതി ആദ്യം. ഈ ആപ്പി കൊള്ളാം. എന്നാലും ആ മുലപ്പാല്‍ കറന്നെടുക്കാന്‍ ശ്രമിച്ചത് അതിശയോക്തി അല്ലേ. :-)

നന്ദകുമാര്‍ said...

". ആകെയൊരു ശാന്തത. ഷാപ്പ് ഷാപ്പിന്റെ അസ്തിത്വം വെടിഞ്ഞ പോലെ"
ഹഹഹ! അവിടെ നമിച്ചിഷ്ടാ... ;)

നീണ്ട ഒരു മാസത്തിനു ശേഷം പോങ്ങുനായരുടെ ഗ്രാമസ്മൃതി ഉണര്‍ത്തുന്ന പോസ്റ്റ്. വിവരണം ഈ രീതിയിലായതു മാത്രം നിരാശപ്പെടുത്തുന്നു. ‘അന്നുട്ടി’ എന്ന പോസ്റ്റ് ഇപ്പോഴും ഒരു വായനക്കാരനെന്ന നിലയില്‍ എന്നെ വേട്ടയാടുന്നു. അതിനു മൈലുകളോളം താഴെയാണ് ഈ പോസ്റ്റ് (ശൈലി) എന്നു പറഞ്ഞാല്‍ വേദനിക്കരുത്. എങ്കിലും...രസകരമായ ചില ഭാഗങ്ങള്‍/വാചകങ്ങള്‍ രസിപ്പിച്ചു.
(ഉദാ : ഒരുവൻ പേപ്പട്ടിയെ പേടിക്കാത്തത് ധീരതകൊണ്ടോ വിഡ്ഡിത്തം കൊണ്ടോ എന്ന ചോദ്യമേ അപ്പോൾ എന്റെ മനസ്സിലുണ്ടായിരുന്നുള്ളു.)

(നിനക്കു ഹോം വര്‍ക്ക് പോരാ, അടുത്ത പോസ്റ്റ് കലക്കിയില്ലെങ്കില്‍ നിന്നെ ഞാന്‍...)

അഹങ്കാരി... said...

പൊങ്ങൂസേ...

(സ്വയം പൊങ്ങുന്നവന്‍ പൊങ്ങു!)

ആപ്പി കൊള്ളാലോ>..
അയാടെ നിഷ്കളങ്കത എനിക്കിഷ്ടായി കേട്ടോ!

പൊങ്ങൂം നിഷ്കളങ്കനാണാ??? തിരോന്തോരത്തു കാര് നേരെ എട്ത്തിട്ട് അലക്കേ ഒള്ള് കേട്ടാ...

പോസ്റ്റ് കൊള്ളാം പൊങ്ങ്സ്

ശ്രീ said...

ആപ്പിയെ പെരുത്തിഷ്ടപ്പെട്ടു മാഷേ. ഇതു പോലെയുള്ള നാടന്‍ കഥാപാത്രങ്ങളെ പരിചയപ്പെടുത്തുന്ന പോസ്റ്റുകള്‍ വായിയ്ക്കുമ്പോള്‍ നാടിനെയും അടുത്തറിയുന്ന സുഖം...

...പകല്‍കിനാവന്‍...daYdreamEr... said...

ആപ്പിയെ ഒരു അപ്പി തെരക്കിയതായി പറയണേ... ! ഇഷ്ടമായ് ...

നിഷ്ക്കളങ്കന്‍ said...

ആ ശിവതാണ്ഡവം :) കല‌ക്കി. കറക്കാന്‍ പോയത് കൊറച്ചക്രമ‌മായിപ്പോയി! :)

Typist | എഴുത്തുകാരി said...

ആപ്പി എന്നു കേട്ടപ്പോള്‍ ജ്യൂസായിരിക്കും എന്നു തന്നെയാ ഞാനും വിചാരിച്ചതു്.‍ പരിചയപ്പെടുത്തൂ ബാക്കിയുള്ളവരേക്കൂടി.

ശ്രീക്കുട്ടന്‍ | Sreekuttan said...

ആപ്പിയുടെ വീരകഥകള്‍ ഇഷ്ടപ്പെട്ടു..

അരവിന്ദ് :: aravind said...

തകര്‍പ്പന്‍! :-)

കുതിരവട്ടന്‍ :: kuthiravattan said...

സൂപ്പര്‍ :-)

പള്ളിക്കരയില്‍ said...

ആപ്പിയെ രസിച്ചു.. ബാക്കികൂടി പോരട്ടെ.

കാപ്പിലാന്‍ said...

അപ്പിയെ ഞാന്‍ അന്വഷിച്ചതായി പറയണേ ,പൊങ്ങു

G.manu said...

പോങ്ങൂ.ചിരിച്ച് ചിരിച്ച് വശം കെട്ടു.

ഇതെഴുതുമ്പോഴും ആപ്പി കുന്തംകൊണ്ട് പുറകില്‍ കുത്തുകയാണ്. ഹഹ

അടുത്ത പാ‍ര്‍ട്ട് അധികം വൈകിക്കല്ലെ..

(കഴിഞ്ഞ തവണ പോയപ്പോ തിരക്കുമൂലം ആപ്പിയെ കാണാന്‍ പറ്റിയില്ല.ഇനി അടുത്ത ട്രിപ്പിനു പറഞ്ഞതുപോലെ)

ശ്രീഇടമൺ said...

ചേട്ടായീ തകര്‍പ്പന്‍...
ചിരിച്ച് ചിരിച്ച് വയ്യായേ....
ആപ്പിയോടന്വേഷണമറിയിച്ചേക്കണേ...

തോന്ന്യാസി said...

എത്ര ഉയരത്തിലുള്ള ആഞ്ഞിലി മരത്തിലും കയറി വിള പറിച്ച് തരികയും ഇല്ലത്തെ വലിയ നാട്ടുമാവിന്റെ തുഞ്ചത്തുകയറി മാമ്പഴം കുലുക്കിയിട്ട് തരികയും ചെയ്യുന്നതുകൊണ്ട് ഞങ്ങൾ കുട്ടികൾക്ക് ആപ്പിയെ വലിയ ഇഷ്ടവുമായിരുന്നു...

പോങ്ങേട്ടാ ഞങ്ങടെ നാട്ടിലും ഉണ്ടായിരുന്നു, ഇതു പോലൊരാള്‍ പേര് അച്ചാനു. ഈ പോസ്റ്റ് വായിച്ചപ്പോ ഓര്‍മ്മ വന്നത് അച്ചാന്വേട്ടനെയാണ്.

ബിന്ദു ഉണ്ണി പറഞ്ഞതു പോലെ പാല്‍ കറക്കല്‍ അല്പം അതിശയോക്തി കലര്‍ന്നതായി.

പോങ്ങുമ്മൂടന്റെ ഗ്രാമീണ കഥകള്‍ ഇങ്ങനെ ഓരോന്നായി പുറത്തു വരട്ടെ...

സുദേവ് said...

പോങ്ങുംമൂടോ ....ആപ്പി കൊള്ളാമല്ലോ !!ഇനിം ഇതേ പോലത്തെ ആളുകളെ ഉറപ്പായും പരിചയപ്പെടുത്തണം .

The Common Man | പ്രാരാബ്ധം said...

പോങ്ങൂ, നല്ല പോസ്റ്റ്‌.

ഇതു പോലെ കുമരകത്ത്‌ ഒരു ഓമനക്കുട്ടനുണ്ട്‌. ഞാന്‍ കണ്ടിട്ടുള്ള ഏറ്റവും നല്ല യേശുദാസ്‌ ആരാധകന്‍.

"..കരണം പുകയുന്ന ഒരടി ആപ്പിയുടെ വലത് കവിളില്‍..."

ഒരു സംശയം.അപ്പോ പോലീസുകാരനു ഇടംകൈ ആരുന്നോ വശം? അതോ പുറംകൈക്കാണോ അടിച്ചേ? :-)

എതിരന്‍ കതിരവന്‍ said...

ഇതിനാണോ ‘തനി നാടിന്റെ ‘മണമുള്ള’ കഥ’ എന്നൊക്കെ പറയുന്നത്?

നാടൻ കഥാപാത്രങ്ങൾ ഒരു സീരീസ് ഇറക്ക് പോങ്ങുമ്മൂടാ. വള്ളുവനാടൻ ആല്ല്ക്കാരെ ഒരുപാടു കണ്ട മലയാളി ഇനി കുറേ മീനച്ചിൽക്കാരെ കാണട്ടെ.

ആ ബാലേയിൽ പോങ്ങുമ്മൂടനും ഒരു ചാൻസു കിട്ടും. ശിവനായിട്ട്. മേക് അപ് ഒന്നും വേണ്ട.

കുട്ടിച്ചാത്തന്‍ said...

ചാത്തനേറ്: ആ നിഷ്കളങ്കത ഇച്ചിരി അക്രമം ആയിപ്പോയി. ബാക്കി കലക്കി...

ശ്രീലാല്‍ said...

രസികൻ ! പോരട്ടെപോരട്ടെ.

G.manu said...

പ്രിയമുള്ളവരെ..
പാല്‍ കറക്കല്‍ അതിശയോക്തിആണെന്ന് നിങ്ങള്‍ എല്ലാവരും പറയും..പക്ഷേ അതു നൂറൂ ശതമാനം സത്യമാണ്!.. ഇതു പോങ്ങു പറഞ്ഞപ്പോള്‍ ഞാനും വിശ്വസിച്ചിരുന്നില്ല..പിന്നെ പാലയില്‍ ചെന്നപ്പോള്‍ നാട്ടുകാര്‍ പലരും എന്തിനു പോങ്ങുവിന്റെ അമ്മൂമ്മ പോലും അതു പറഞ്ഞപ്പോ ഞാന്‍ കണ്ണുതെള്ളിപ്പോയി

ഇത് അതിശയോക്തി എന്നു കരുതി ചിരിച്ചു തള്ളുന്നവരുടെ ശ്രദ്ധയ്ക്കുള്ള എന്റെ ആത്മാര്‍ഥമായ സര്‍ട്ടിഫിക്കറ്റ്

നട്ടപിരാന്തന്‍ said...

കുറേ കാലമായി പുതിയ വിശേഷവുമായി വരുന്നിലല്ലോ എന്നു കരുതിയിരിക്കുകയായിരുന്നു.

പണ്ടത്തെ ഒരു സത്യന്‍ അന്തിക്കാട് സിനിമ കണ്ട സുഖം.പുതിയ കഥാപാത്രങ്ങള്‍ വരട്ടെ...പിന്നെ നന്ദന്‍ പറഞ്ഞ കാര്യം ഇത്തിരി ശ്രദ്ധിക്കുക.

പിന്നെ കറവക്കാരന്റെ കാര്യം......അതിന് മനുവിന്റെ സര്‍ട്ടിഫിക്കറ്റ് ആവശ്യമില്ല.....

കാ‍രണം അത് മനുവിന് പറ്റിയതാണെന്ന് ഈ ബൂലോഗത്തില്‍ എല്ലാവര്‍ക്കും അറിയാം, ബൈ ദ ബൈ ഈ മ്ലേച്ചമായ കാര്യം എന്തിന് ആ പാവം ആപ്പിയുടെ തലയില്‍ എന്തിന് വച്ചു?

പാലാ സൈഡില്‍ നല്ല കള്ള് ഷാപ്പുകള്‍ എവിടെയാണ്.....അതും മായം ചേര്‍ക്കാത്തത്...നാട്ടില്‍ വരുമ്പോള്‍ ഒന്ന് വിസിറ്റ് ചെയ്യാനാണ്...കാരണം ശീമ നമ്മള്‍ ഉപേക്ഷിച്ചിട്ട് 9 വര്‍ഷമായി.....

ഐ ചന്തി യൂ

ഋഷി|rISHI said...

ഹ ഹ ഇതാണ് പോങ്ങൂ ഹാസ്യം, ചിരിച്ച് ചിരിച്ച് കീ ബോഡ് കപ്പി :)
ഈ സീരിസ് നിര്‍ത്തിക്കളയല്ലേ!

ബിന്ദു കെ പി said...

“എത്ര ഉയരത്തിലുള്ള ആഞ്ഞിലി മരത്തിലും കയറി വിള പറിച്ച് തരികയും ഇല്ലത്തെ വലിയ നാട്ടുമാവിന്റെ തുഞ്ചത്തുകയറി മാമ്പഴം കുലുക്കിയിട്ട് തരികയും ചെയ്യുന്നതുകൊണ്ട് ഞങ്ങൾ കുട്ടികൾക്ക് ആപ്പിയെ വലിയ ഇഷ്ടവുമായിരുന്നു”

ഞങ്ങളുടെ നാട്ടിൽ ഇതുപോലെ ഒരു വേലായുധൻ ഉണ്ടായിരുന്നു. പാ‍വം ഒരുദിവസം തെങ്ങിന്റെ മുകളിൽ നിന്ന് വീണ് മരിയ്ക്കുകയും ചെയ്തു. വേലായുധന് ഇങ്ങനെയൊരു അബദ്ധം പറ്റുമെന്ന് ആരും പ്രതീക്ഷിക്കാത്തതുകോണ്ടാവും വീണ സമയത്ത് ആസ്പത്രിയിൽ കൊണ്ടുപോകാൻ അടുത്ത് ആരും തന്നെ ഉണ്ടായിരുന്നില്ല.

മാറുന്ന മലയാളി said...

പോങ്ങൂന്‍റെ സംശയം തന്നെ എനിക്കും പോലീസ്കാരന്‍ എന്ത് കൊണ്ടാകും ചിരിച്ചത്.......ആപ്പിയുടെ പാച്ചില്‍ കണ്ടായിരിക്കാം അല്ലേ......

പ്രയാസി said...

ആപ്പി അണ്ണന്‍ കൊള്ളാല്ലാ..

പോരട്ടെ ഇതിപോലുള്ള അണ്ണന്മാര്‍..:)

ചെലക്കാണ്ട് പോടാ said...

‘ മാണി സാറിനെ പരിചയമുള്ള ‘ കാള പോലും ആപ്പിയുടെ കൂടെയില്ലല്ലോ എന്ന് ഞാനോർത്തു.

ബാക്കിയുള്ളവരെയും പരിചയപ്പെടുത്താന് മറക്കരുതേ...

ഷിജു | the-friend said...

“പരമശിവൻ തെറിവിളിച്ച് ചാടിയാൽ നമ്മളാണേലും കല്ലെടുത്തെറിഞ്ഞ് പോവില്ലേ.“ ആ രംഗം മനസ്സില്‍ ഓര്‍ത്ത് ചിരിച്ചു പോയി.

പോങ്ങേട്ടാ ആ ഗ്രാമത്തിലെ ഭാഷ കലര്‍പ്പില്ലാതെ തന്നെ അവതരിപ്പിച്ചു, ഒരുപാട് ഇഷ്ട്മായി ആപ്പിയേയും, ആപ്പിയുടെ കൂട്ടുകാരനേം.
ബാക്കികൂടി പോരട്ടെ.

jp said...

Super...

Vempally|വെമ്പള്ളി said...

Adutha thavana aappiye onnu kandittu thanne karyam

Very interesting post.

പാച്ചു said...

മൂടാശാനെ,

ക്യൂരിയോസിറ്റി കില്‍്സ് ദ കാറ്റ് എന്ന് പറയുന്നതു പോലെ ആയി .. ധാരാളം പ്രതീക്ഷ ഉണ്ടായിരുന്നത് കാരണം ആവണം, ഹുമറിന്റെ ഡോസ് ഇച്ചിരി കുറഞ്ഞു പോയി എന്ന് തോന്നി .. ഇതു പോലെ ഏത് പാച്ചുവിനും എഴുതാന്‍ പറ്റും എന്ന് പറയണില്ല .. എന്നാലും ഇതിലും നന്നാക്കാമായിരുന്നു .. :( അടുത്തത് കിടുക്കന്‍ ആക്കണേ ..

..:: അച്ചായന്‍ ::.. said...

മാഷേ നാട്ടിന്‍ പുറത്തു ജീവിച്ചവര്‍ക്ക് ഇതുപോലെ പലരേം കാണാന്‍ പറ്റും പലരും നിഷ്കളങ്കര്‍ തന്നെ ആണ് .. അവിടുത്തെ ഒരു സുഖം ഇ നഗര ജീവിതത്തില്‍ കിട്ടില്ല ...
പിന്നെ മനുജി പറഞ്ഞപോലെ ഒരു ട്രിപ്പ്‌ ഉണ്ടേ എന്നെ വിളിക്കണം ഇല്ലേ കൊല്ലും ഞാന്‍ :D

ഉപാസന || Upasana said...

നന്നായി എഴുതിയിരിക്കുന്നു ഭായ്.
നാട്ടുകാരെ പരിചയപ്പെടുത്തുക വീണ്ടും
:-)
ഉപാസന

വെളിച്ചപ്പാട് said...

ഇത് പോലെ ഒട്ടേറെ പേര്‍ ഗ്രാമങ്ങളുടെ നോവ് പേറി അല്ലേ വെളിച്ചപ്പാട്ടിനെ പോലെ...

ശ്രീനാഥ്‌ | അഹം said...

മാണം... നീം മാണം....

:)

ചെലക്കാണ്ട് പോടാ said...

ഒരു സംശയം കൂടി...

ആപ്പി ഓടിയപ്പോള്‍ കൂട്ടുകാരനെ പേല (പോലീസ്) അള്ളിയില്ലേ...

സാധാരണ കേരള പോലീസ് അങ്ങനെയാണല്ലോ?....

പോങ്ങുമ്മൂടന്‍ said...

മനുജി : പ്രോത്സാഹനത്തിനും തേങ്ങയ്ക്കും നന്ദി.

BS Madayi: സന്തോഷം. നന്ദി :)

പാഞ്ചാലി : :)

ഹരീഷ്: പാലായിൽ പടിഞ്ഞാറ്റിൻ‌കര എന്ന സ്ഥലത്താണ് എന്റെ നാട്. പാലാവഴി വരുമ്പോൾ അറിയിക്കുക. നമുക്കൊന്ന് കൂടാം.:)

സ്മിത: നന്ദി :)

വിപിൻ: ഈ പോസ്റ്റ് ഞാൻ നിനക്ക് ഡെഡിക്കേറ്റ് ചെയ്യുന്നു. അതിൽ കുറഞ്ഞ ഒരു ശിക്ഷ നീ അർഹിക്കുന്നില്ല. :)

രഞ്ജിത് ചെമ്മാട് : സന്തോഷം. നന്ദി :)

അംജിത്: നന്ദി സ്നേഹിതാ.

തോമാച്ചാ: :)

നാചികേത്: തിരിച്ചെത്തി :)

ബിന്ദു ഉണ്ണി: ചിലരുടെ നിഷ്കളങ്കത പലപ്പോഴും നമുക്ക് അതിശയമായി തോന്നാം. :)

നന്ദേട്ടാ: പ്രതിഭാശാലിയല്ല ഞാനെന്ന് എന്നെപ്പോലെ തന്നെ നന്ദേട്ടനും അറിവുള്ളതാണല്ലോ. ചില പോസ്റ്റുകൾ നന്നാവുന്നുവെങ്കിൽ അത് എന്റെ കഴിവുകൊണ്ടല്ല. സംഭവിച്ച് പോവുന്നതാണ്. ദയവായി ഇനിയെങ്കിലും നന്ദേട്ടൻ പ്രതീക്ഷാരഹിതമായ മനസ്സുകൊണ്ട് മാത്രമേ പോങ്ങു നായാരുടെ പോസ്റ്റുകൾ വായിക്കാവുള്ളു.
എന്നെ സമ്മർദ്ധത്തിലാക്കരുതേ :)

അഹങ്കാരി: സന്തോഷമായി അഹങ്കാരി :)

ശ്രീ: അത്തരം നാട്ടുവിശേഷങ്ങൾ ഇനിയും കുറിക്കാൻ ശ്രമിക്കാം. നന്ദി ശ്രീ.

പകൽക്കിനാവൻ: അക്കാര്യം ഞാൻ പറഞ്ഞു കഴിഞ്ഞു. :)

നിഷ്കളങ്കൻ : നന്ദി ചേട്ടാ :)

എഴുത്തുകാരി: ആവാം. :)


ശ്രീക്കുട്ടൻ: സന്തോഷം ശ്രീക്കുട്ടാ

അരവിന്ദ്: സന്തോഷം അരവിന്ദ്ജി. ഇടയ്ക്ക് ഇനിയും പോങ്ങുമ്മൂടേയ്ക്ക് വരുമല്ലോ?

കുതിരവട്ടൻ: നന്ദി :)

പള്ളിക്കരയിൽ: സന്തോഷം :)

കാപ്പിലാൻ: അക്കാര്യം ഞാൻ പറഞ്ഞു കാപ്പിലാനേ :)

ഇടമൺ: ചിരിച്ചുവെങ്കിൽ ഞാൻ സന്തോഷവാനായി.:)

തോന്ന്യാസി: നീ ഓട്ടമൊന്ന് നിർത്തിക്കേ. ഞാനൊന്ന് പറയട്ടെ. നന്ദി തോന്ന്യാസി. സന്തോഷം. ഇനി നീ ഓടിക്കോ. :)

സുദേവ്: തീർച്ചയായും സുദേവ് . നന്ദി.

The Common Man | പ്രാരാബ്ധം : എന്റെ ഭാഗത്തുനിന്ന് വന്ന ഒരു പാളിച്ചയായിരുന്നു ആപ്പിയുടെ കവിൾ മാറിപോയത്. അടികൊണ്ടത് ഇടത് കവിളിൽ തന്നെ.

എതിരൻ : അതെ. ഇത് തന്നെയാണ് ആ സാധനം. അല്ലേ? നന്ദി എതിരേട്ടാ. നമ്മൾ മീനച്ചിൽക്കാരെക്കൂടി ആൾക്കാർ അറിയട്ടെന്നെ.
ഇനിയും ഇതുവഴി വരണം.

കുട്ടിച്ചാത്തൻ: നന്ദി :)

ശ്രീലാൽ : സന്തോഷം.

നട്ടപ്പിരാന്തൻ: മൊട്ടേട്ടാ, സന്തോഷം. ഞാനക്കാര്യം ശ്രദ്ധിക്കാം. അവാർഡ് പ്രഖ്യാപനത്തിനായി കാത്തിരിക്കുന്നു. ആർക്കൊക്കെ എന്തൊക്കെ ലഭിക്കുന്നുവെന്ന് അറിയണമല്ലോ :)

ഋഷി: ഞാനതിനായി ശ്രമിക്കാം. രസിച്ചുവെന്നറിഞ്ഞതിൽ സന്തോഷം.

ബിന്ദു കെ.പി : പാവം വേലായുധൻ.

മാറുന്ന മലയാളി: പോലീസുകാരും മാറുന്നു. അതിൽ ഞാൻ അതിശയോക്തി കലർത്തിയിട്ടില്ല. ആ സീൻ അതുപോലെ എഴുതി ഫലിപ്പിക്കാൻ എനിക്കായി എന്ന് തോന്നുന്നില്ല. അത്ര രസമായിരുന്നു ആ ഒരു നിമിഷം. മാത്രവുമല്ല. അയാൾ ഒരു ശുദ്ധനാണെന്ന് ഏത് പോലീസുകാരനും കൃത്യമായി മനസ്സിലാവുകയും ചെയ്യും.

എല്ലാ മലയാളികളും മാറട്ടെ :) നന്ദി സ്നേഹിതാ.

പ്രായസി: നന്ദി.

ചെലക്കാണ്ട് പോടാ: ഇല്ല, ചെലക്കാണ്ട് പോടാ :) നന്ദി

ജെ.പി : സന്തോഷം.

വെമ്പള്ളി: ചേട്ടാ, തീർച്ചയായും നമുക്കൊന്ന് കാണാം. ആപ്പിയുമായി കൂടാം. സന്തോഷം :)

പാച്ചു: എന്നെയിങ്ങനെ തളർത്തരുതേ. :) പ്രതീക്ഷകളെയാണ് എനിക്കെന്നും പേടി.
കൂടുതൽ നന്നാക്കാൻ ഞാൻ ശ്രമിക്കാം. ഒപ്പം പാച്ചുവിന് എന്നിലെന്തെങ്കിലും പ്രതീക്ഷയുണ്ടെങ്കിൽ അവ ഇപ്പോൾ തന്നെ മനസ്സിൽ നിന്ന് കളഞ്ഞേക്കു. ഇല്ലെങ്കിൽ നാളെ നിങ്ങൾക്കെന്നോട് വെറുപ്പ് തോന്നും. അത് ഞാൻ ഇഷ്ടപ്പെടുന്നില്ല. നന്ദി പാച്ചു. സ്നേഹത്തിനും കമന്റിനും.

അച്ചായൻ: തീർച്ചയായും വിളിച്ചിരിക്കും. നമുക്കൊരു ദിവസം പോവാം അച്ചായാ. :)

ഉപാസന: സന്തോഷം ഉപാസന.

വെളിച്ചപ്പാട്: :)

ശ്രീനാഥ് | അഹം : :) ആവാം.

ചെലക്കാണ്ട് പോടാ : അത് ഞാൻ പുറത്ത് പറയില്ല. കൊല്ലുമെന്ന് പറഞ്ഞാലും :)

പാച്ചു said...

ഒറ്റയടീം രാശീം .. ഒറ്റ പോസ്റ്റു കൊണ്ടു എല്ലാവര്‍ക്കും നന്ദി കൊടുത്തു അല്ലെ..

പ്രതീക്ഷകള്‍ .. അത് ധാരാളം ഉണ്ട്, കാരണം ഞാന്‍ മാഷിന്റെ എല്ലാ പോസ്റ്റുകളും വായിച്ചിട്ടുള്ള ഒരാള്‍ ആണ് .. ആ പോസ്റ്റുകള്‍ എഴുതിയ ഈ മനുഷ്യന് ഇതല്ല, ഇതിന്റെ പത്തിരട്ടി ചിരി കുത്തി നിറച്ചു എഴുതാന്‍ സാധിക്കും, അതുറപ്പ്‌ ! അല്ലെങ്കില്‍ ആ പഴയ പോസ്റ്റൊക്കെ വേറെ ആളെ വച്ചു എഴുതിയതാണ് എന്ന് സമ്മതിക്കേണ്ടി വരും .. ;)

നിഷ്കളങ്കന്‍ said...

കൊള്ളാമല്ലോ ആപ്പി. പിന്നെ കള്ളും കപ്പേം മീനും.

Senu Eapen Thomas, Poovathoor said...

അപ്പോള്‍ ഹരിയുടെ ശരിക്കുള്ള പേരെന്തവാ? ഹരിഹരന്‍ "പിള്ള"യെന്നാണോ??

ഈ കഥ വായിച്ച്‌ ഹരിഹരന്‍ പിള്ളയും, ഞങ്ങളും ഹാപ്പിയാണു.

സസ്നേഹം.
സെനു, പഴമ്പുരാണംസ്‌.

മനേഷ് പുല്ലുവഴി (manesh pulluvazhy) said...

എന്റെ നാടിനെക്കുറിച്ചും നാട്ടുകാരെ കുറിച്ചും ഓര്‍ത്തു. എന്തായാലും സജിയുടെ അച്ചായന്‍ എഴുത്ത് കാരണം ഇതൊക്കെ വായിക്കുവാന്‍ പറ്റി.
" പരമശിവൻ തെറിവിളിച്ച് ചാടിയാൽ നമ്മളാണേലും കല്ലെടുത്തെറിഞ്ഞ് പോവില്ലേ" !!!!!!!!!!!
സ്നേഹപൂര്‍വ്വം
മനേഷ് പുല്ലുവഴി

ANILPHIL said...

പ്രിയ പോങ്ങു ചേട്ടായി,
നൊസ്റ്റാള്‍ജിക് പൊസ്റ്റ്, മൂന്നു കുപ്പി പന എന്റെ വക ആയ്ക്കോട്ടെ, ആപ്പിയെ കുറിച്ചു വായിച്ചപ്പൊള്‍ എന്‍റ്റെ നാട്ടിലെ പാക്കരന്‍ എന്നു അറിയപ്പെടുന്ന സുരനെ ഓര്‍ത്തുപോയി, അധികം തമസിയാതെ പക്കരന്‍ കഥകള്‍ എന്റ്റെ ബ്ലോഗ്ഗില് പ്രതീക്ഷിക്കാം.

Fazal said...

ആപ്പി കലക്കി.എന്റെ നാട്ടിലുള്ള പഴയ ആപ്പിമാരെയും ഓര്‍ക്കാന്‍ ഇടയാക്കിയ പോങ്ങുവിന്‍ നന്ദി.ബാക്കിയുള്ളവരും കൂടി വേഗം പോരെട്ടെ.

Fazal said...

ആപ്പി കലക്കി.എന്റെ നാട്ടിലുള്ള പഴയ ആപ്പിമാരെയും ഓര്‍ക്കാന്‍ ഇടയാക്കിയ പോങ്ങുവിന്‍ നന്ദി.ബാക്കിയുള്ളവരും കൂടി വേഗം പോരെട്ടെ.