Follow by Email

Monday, June 22, 2009

നായരുടെ കുര !

കഴിഞ്ഞ ദിവസം പെരുന്നയിലിരുന്നൊരു നായർ കോൺഗ്രസ്സിനെ നോക്കിയൊന്നു കുരച്ചു. കൊതിക്കെറുവിന്റെയും വിവരക്കേടിന്റെയും കുര. അഭിമാനബോധമുള്ള സകലനായന്മാരുടെയും ശിരസ്സുകുനിപ്പിച്ച കുര.

ജനിച്ചിട്ടിതുവരെ സ്വന്തം ജാതിയെക്കുറിച്ചോർക്കേണ്ട കാര്യം അധികമൊന്നും വന്നിട്ടില്ല. എന്നാൽ ഇന്നലെ നായരായിപ്പോയതിൽ ഞാൻ ആദ്യമായി ലജ്ജിച്ചു തലകുനിച്ചു. അതുപോലെ എത്രയോ നായന്മാരുടെ തലകൾ കുനിഞ്ഞിരിക്കും. ഈ ദുർഗതി നായന്മാർക്കുവരുത്തിയത് പെരുന്നയിലെ നായർ നേതൃത്വം തന്നെ. വിശേഷിച്ച് ജി. സുകുമാരൻ നായർ എന്ന നായന്മാരുടെ അസിസ്റ്റന്റ് സെക്രട്ടറി.

കേന്ദ്രമന്ത്രിസഭയിലേയ്ക്ക് കേരളത്തിൽ നിന്നും നായന്മാർക്ക് അർഹമായ പ്രാതിനിധ്യം ലഭിച്ചിട്ടില്ലായെന്നതാണ് സുകുമാരൻ നായരെ കുരയ്ക്കാൻ പ്രേരിപ്പിച്ച ഘടകം. ലോക് സഭാ
തിരഞ്ഞെടുപ്പിൽ സമദൂരസിദ്ധാന്തത്തിലുറച്ചു നിന്ന നായർ മഹാസഭയ്ക്ക് ധാർമ്മികമായി യോഗ്യതയുണ്ടോ ഇത്തരമൊരു ആവശ്യമുന്നയിക്കാൻ. സമദൂരമെന്നാൽ കോൺഗ്രസിനുള്ള പിന്തുണ എന്നല്ലല്ലോ. അല്ലെങ്കിൽ തന്നെ സമുദായപരിഗണനവച്ചാണോ മന്ത്രിസഭ രൂപീകരിക്കേണ്ടതും സ്ഥനാർഥികളെ നിശ്ചയിക്കേണ്ടതും? അങ്ങനെതന്നെയാണ് ഇപ്പോൾ അനുവർത്തിച്ചുവരുന്ന രീതി എന്നുമറന്നുകൊണ്ടല്ല ഞാനിതുപറഞ്ഞത്.

“സ്ഥാനാർഥി നിർണ്ണയത്തിലും കേന്ദ്രമന്ത്രിസഭാ പ്രാതിനിധ്യത്തിലും മറ്റുസമുദായങ്ങൾക്ക് കൊടുത്ത പരിഗണന എൻ.എസ്.എസിനു കിട്ടിയില്ല” എന്ന സുകുമാരൻ നായരുടെ വ്യാകുലത ജനിപ്പിക്കുന്ന സംശയം ക്രൈസ്തവമന്ത്രിമാർ ക്രിസ്ത്യാനികൾക്കും മുസ്ലീം മന്ത്രിമാർ അവരുടെ സമുദായത്തിനും ഈഴവമന്ത്രിമാർ ഈഴവർക്കും മാത്രമേ ക്ഷേമപ്രവർത്തനങ്ങൾ നടത്തുകയുള്ളോ എന്നതാണ്. അങ്ങനെയെങ്കിൽ ബ്രാഹ്മണർ, പട്ടർ, പുലയർ, പറയൻ, വേലൻ, വേട്ടോൻ, മുക്കുവൻ, അരയൻ, കുശവൻ, തട്ടാൻ, കൊല്ലൻ, ആശാരി അങ്ങനെ സകലജാതിക്കും ഓരോ മന്ത്രിമാർ വേണ്ടിവരില്ലേ? എങ്കിലല്ലേ അവരുടെ സമുദായങ്ങൾക്കും അഭിവൃദ്ധിയുണ്ടാവൂ.

രാഷ്ട്രീയത്തിൽ മതപരമായ ഇടപെടലുകൾ അനുവദിക്കാതെ നോക്കേണ്ടത് രാഷ്ട്രീയക്കാർ തന്നെയാണ്. എന്നാൽ അവർതന്നെ ഇത്തരം സമുദായങ്ങളുടെ പിന്നാലെ പത്തോട്ടിനായി പരക്കം പായുന്നതും അങ്ങനെ ഇത്തരം സംഘടനകളെ സമ്മർദ്ധശക്തിയായി വളർത്തുന്നതും.

സമുദായസംഘടനകൾ സമൂഹത്തിന്റെമൊത്തത്തിലുള്ള വളർച്ചയ്ക്കായി പ്രവർത്തിക്കണമെന്ന് പറയേണ്ടതില്ല. അവരുടെ പ്രഥമപരിഗണന സമുദായത്തിന്റെ ഉന്നമനത്തിനുതന്നെയാവുകയെന്നത് സ്വാഭാവികം. ഓരോ സമുദായവും വളരുമ്പോൾ പരോക്ഷമായി സമൂഹം തന്നെയും നന്നാവുന്നു. എന്നാൽ അത്തരം ‘നന്നാവൽ‘ നന്നല്ല. മതേതരത്വമെന്നാൽ ആൾബലമുള്ള സമുദായങ്ങൾക്ക് ഭരണരംഗത്ത് നൽകുന്ന പ്രാതിനിധ്യമല്ല. ജാതിമത ചിന്തകൾക്കതീതമായി സകലജനത്തിനും ഒരുപോലെ ലഭ്യമാക്കേണ്ട നീതിയാണത്.

ഇനി നായന്മാരിലേയ്ക്ക് വന്നാൽ. നായർ സർവ്വീസ് സൊസൈറ്റി, സാമ്പത്തികമായി പിന്നോക്കം നിൽക്കുന്ന നായന്മാർക്ക് ഏതെങ്കിലും വിധത്തിലുള്ള സഹായസഹകരണങ്ങൾ നൽകുന്നുവെന്ന് ഞാൻ വിശ്വസിക്കുന്നില്ല. അവർക്കൊരിക്കലും താങ്ങും തണലുമായിട്ടില്ല എൻ.എസ്.എസ്. അതിനാൽതന്നെ നായന്മാരെ മുഴുവനായി എൻ.എസ്.എസിന്റെ കൊടിക്കീഴിലെത്തിക്കാൻ പെരുന്നയിലെ പണിക്കർക്കും നായർക്കും ആയിട്ടുമില്ല. പെരുന്നയിൽ നിന്ന് പറഞ്ഞാൽ പറഞ്ഞവന് കുത്തുന്ന വോട്ടർമാരുമല്ല ശരശരി നായന്മാർ. അവർക്ക് വ്യക്തമായ രാഷ്ട്രീയ കാഴ്ചപ്പാടും അന്തസ്സുമുണ്ട്. അതുകൊണ്ടുതന്നെ നായർ സർവ്വീസ് സൊസൈറ്റി ഒരിക്കലും ഒരു വോട്ട് ബാങ്ക് ആവുന്നുമില്ല. ഈ തിരിച്ചറിവുപോലുമില്ലാത്തവരാണ് ഇന്ന് കേരളത്തിലെ ഇരുമുന്നണികളും. അവർ മാറി മാറി പെരുന്ന നിരങ്ങുന്നു. മ്ലേച്ഛന്മാർ.

വെള്ളാപ്പള്ളി നടേശന് ഈഴവസമുദായത്തിൽ കുറെയെങ്കിലും പിടിപാടുണ്ടാവുന്നത് അദ്ദേഹത്തിന്റെ സാമ്പത്തികശേഷിയും കൈവശമുള്ള ഗുണ്ടായിസവും കൊണ്ടുമാത്രമല്ല. താഴേക്കിടയിലുള്ള ഈഴവകുടുംബംഗങ്ങൾക്ക് രക്ഷപെടാനുള്ള പല പദ്ധതികളും അദ്ദേഹം ആസൂത്രണം ചെയ്യുന്നു. നിർദ്ധനകുടുംബത്തിലെ ഈഴവസ്ത്രീകൾക്ക് തയ്യൽ മെഷീനുകൾ വിതരണം ചെയ്യുന്നു. അങ്ങനെ കുറെയെങ്കിലും എസ്.എൻ.ഡി.പി യിൽനിന്നുമുള്ള പിന്തുണ ഈഴവർക്ക് ലഭ്യമാവുന്നുണ്ട്. അതുകൊണ്ടുതന്നെ എസ്.എൻ.ഡി.പിയ്ക്ക് കുറേയൊക്കെ കേരളരാഷ്ട്രീയത്തിൽ സമ്മർദ്ധശക്തിയാവാൻ സാധിച്ചിട്ടുമുണ്ട്.

നാട്ടിൽ, എന്റെ വീടിനുതൊട്ടടുത്ത് ഒരു നിർധന നായർ കുടുംബമുണ്ട്. മൂന്നുപെൺ‌മക്കളും ഒരാൺകുട്ടിയും അടങ്ങുന്ന കുടുംബം. മൂത്തപെൺകുട്ടി MA, B.Ed കഴിഞ്ഞവൾ. അവളുടെ അച്ഛൻ ഞങ്ങളുടെ കരയോഗം പ്രസിഡന്റുമായി പെരുന്നയിൽ പോയി എൻ.എസ്.എസിന്റെ സ്കൂളുകളിലെവിടെയെങ്കിലുമൊരു ജോലി തരപ്പെടുത്തി കൊടുക്കാൻ അപേക്ഷിക്കുന്നു. സുകുമാരൻ നായർ എന്ന നായന്മാരുടെ അസിസ്റ്റന്റ് സെക്രട്ടറി ചോദിച്ചത് 3 ലക്ഷമാണ്. 3000 രൂപപോലും മാസവരുമാനമില്ലാത്ത നായർക്ക് മൂന്നുലക്ഷം എവിടെനിന്നുണ്ടാവാൻ. അവരുടെ വസ്തുവിറ്റാൽ പോലും ഒരു ലക്ഷത്തിനപ്പുറത്തേയ്ക്കൊരു തുക ലഭിക്കില്ല. ആകെ അദ്ദേഹത്തിനു സ്വന്തമായുള്ളത് പേരിനുപിന്നാലെ ‘നായർ’ എന്നൊരു വാൽ മാത്രം. അതുകൊണ്ടുമാത്രം യാതൊരു സംവരണങ്ങൾക്കും അവർ അർഹരുമല്ല.

ചെറുപ്പത്തിൽ, നാട്ടിലെ വായനശാലയിൽ നിന്നും അപ്രതീക്ഷിതമായി കൈവശം വന്ന ഒരു ബുക്കാണ് നായരായി ജനിച്ചതിൽ അഭിമാനം കൊള്ളാൻ പ്രേരിപ്പിച്ചത്.

എന്റെ ഓർമ്മ ശരിയാണെങ്കിൽ അത് ശ്രീ. സി.ആർ കേശവൻ‌വൈദ്യർ എന്നോ മറ്റോ പേരായ ഒരാളുടെ ബുക്കാണ്. അതിൽ മന്നത്തു പത്മനാഭന്റെ ചരിത്രം കുറിച്ചിട്ടുണ്ട്. മന്നത്താചാര്യന്റെ ആദ്യപൊതുപ്രവർത്തനങ്ങളിലൊന്ന് വൈക്കം സത്യാഗ്രഹത്തെ പിന്തുണയ്ക്കാനായി സവർണ്ണരുടെ ഒരു ജാഥ നയിക്കുക എന്നതായിരുന്നല്ലോ? അവർണ്ണർക്ക് ക്ഷേത്രത്തിൽ പ്രവേശിക്കാനുള്ള അവകാശത്തിനായി സവർണ്ണർ ജാഥ നയിക്കുന്നു. മാത്രവുമല്ല വീട്ടിലെ അടുക്കളയിലിരുത്തി ഒരു പുലയനെ ഇലയിട്ടൂട്ടി ഊണുകഴിഞ്ഞ് ആ ഇല തന്റെ അമ്മയെക്കൊണ്ട് എടുപ്പിച്ചയാളുമാണ് ശ്രീ. മന്നത്താചാര്യൻ. എത്ര ഉദാത്തമായ മാതൃക. ആ വലിയമനുഷ്യന്റെ സമുദായത്തിൽ പെട്ട ആളാണല്ലോ താനും എന്ന അറിവാണ് എന്നിൽ അഭിമാനം ജനിപ്പിച്ചത്. ആ അഭിമാനം ഒരിക്കലും ഇന്നേവരെ എന്നെ ഒരു വർഗീയവാദി ആക്കിമാറ്റിയിട്ടുമില്ല. ഞാൻ എല്ലാ സമുദായങ്ങളെയും ഇഷ്ടപ്പെടുന്നു. ഒപ്പം എന്റെ സമുദായത്തെയും.

പക്ഷേ, ഇപ്പോൾ അപമാനം കൊണ്ടെന്റെ ശിരസ്സുകുനിയുന്നു സുകുമാരൻ നായരെ. പെരുന്നയിലെ അങ്ങയുടെ ഓഫീസിലിരുന്ന് ഗതികെട്ട നായന്മാരുടെ പക്കൽ നിന്നും ജോലിയ്ക്കും സ്കൂൾ പ്രവേശനത്തിനുമൊക്കെ സംഭാവനപിരിക്കുമ്പോൾ അത് നൽകുന്നവരുടെ മുഖത്തൊന്ന് തല ഉയർത്തി നോക്കാനുള്ള സന്മനസ്സുപോലും കാണിക്കാറില്ല താങ്കളെന്നെനിക്കറിയാം. പാവം പണിക്കരെ മൂലയ്ക്കിരുത്തി താങ്കൾ തന്നെയാണ് പെരുന്നയിൽ കിട്ടുന്ന പണത്തിന് പൊരുന്നയിരിക്കുന്നതെന്നും കേട്ടു. താങ്കൾ നായന്മാരുടെ നാവായി വർത്തിക്കേണ്ടതില്ല. അവശേഷിക്കുന്ന അഭിമാനവുമായി ഞങ്ങൾ ഇവിടെ ജീവിക്കട്ടെ.

ഇനി മേൽ, താങ്കൾ കുരയ്ക്കരുത്. ഞാനടക്കമുള്ള സകല നായന്മാരെ കാണുമ്പോഴും ഭവാൻ എഴുന്നേറ്റ് കാലുകൾക്കിടയിൽ വാൽ തിരുകി മോങ്ങണം. ആ ശബ്ദം വിധേയത്വത്തിന്റേതുതന്നെയാവണം.


മന്നത്താചാര്യനു മാത്രം പ്രണാമം.

105 comments:

പോങ്ങുമ്മൂടന്‍ said...

ഇനി മേൽ, താങ്കൾ കുരയ്ക്കരുത്. ഞാനടക്കമുള്ള സകല നായന്മാരെ കാണുമ്പോഴും ഭവാൻ എഴുന്നേറ്റ് കാലുകൾക്കിടയിൽ വാൽ തിരുകി മോങ്ങണം. ആ ശബ്ദം വിധേയത്വത്തിന്റേതുതന്നെയാവണം.

Manoj മനോജ് said...

“വെള്ളാപ്പള്ളി നടേശന് ഈഴവസമുദായത്തിൽ കുറെയെങ്കിലും പിടിപാടുണ്ടാവുന്നത് അദ്ദേഹത്തിന്റെ സാമ്പത്തികശേഷിയും കൈവശമുള്ള ഗുണ്ടായിസവും കൊണ്ടുമാത്രമല്ല. താഴേക്കിടയിലുള്ള ഈഴവകുടുംബംഗങ്ങൾക്ക് രക്ഷപെടാനുള്ള പല പദ്ധതികളും അദ്ദേഹം ആസൂത്രണം ചെയ്യുന്നു. നിർദ്ധനകുടുംബത്തിലെ ഈഴവസ്ത്രീകൾക്ക് തയ്യൽ മെഷീനുകൾ വിതരണം ചെയ്യുന്നു. അങ്ങനെ കുറെയെങ്കിലും എസ്.എൻ.ഡി.പി യിൽനിന്നുമുള്ള പിന്തുണ ഈഴവർക്ക് ലഭ്യമാവുന്നുണ്ട്. അതുകൊണ്ടുതന്നെ എസ്.എൻ.ഡി.പിയ്ക്ക് കുറേയൊക്കെ കേരളരാഷ്ട്രീയത്തിൽ സമ്മർദ്ധശക്തിയാവാൻ സാധിച്ചിട്ടുമുണ്ട്.“

വളരെ തെറ്റായ വിവരണമാണിത് എന്ന് പറയട്ടേ. മൈക്രോ ഫിനാന്‍സ് കൊണ്ട് അംഗങ്ങള്‍ കൂടുതല്‍ കടത്തിലേയ്ക്കാണ് വീണിരിക്കുന്നത് എന്ന് ശ്രദ്ധിച്ചാല്‍ കാണാം. മൈക്രോ കൊണ്ട് രക്ഷപ്പെട്ട ബാങ്ക് ഏതെന്ന് ഒന്ന് നോക്കുക...

താങ്കള്‍ ആ പാരഗ്രാഫില്‍ എഴിതിയ ആദ്യ വരിയിലെ ഒന്ന് കൊണ്ട് മാത്രമാണ് എസ്സ്.എന്‍.ഡി. പി.യില്‍ “അനിഷേധ്യനായി“ ഇരിക്കുന്നത്. പണ്ടേ തന്നെ എതിര്‍പക്ഷം ഉണ്ടായിരുന്നു. അവര്‍ക്ക് ഈ പറഞ്ഞവയുണ്ടായിരുന്നില്ല. എന്നാല്‍ കഴിഞ്ഞ ദിവസം ഉയിര്‍ കൊണ്ട പുതിയ ബദല്‍ പ്രസ്ഥാനത്തില്‍ പലരും ഇവ തികഞ്ഞവരാണെന്നുള്ളത് പുള്ളിയുടെ ഉറക്കം കെടുത്തും എന്ന് തീര്‍ച്ച....

പിന്നെ പണിക്കര് ചേട്ടന്‍ പാവമാണെന്നും പുറകില്‍ സുകുമാരനാണ് കളീക്കുന്നതെന്നും പണ്ടേ നമ്മുടെ നടേശന്‍ “അനിയന്‍” വിളിച്ച് പറഞ്ഞതല്ലേ… ഒരു കള്ളന് അല്ലെ മറ്റൊരു കള്ളനെ പെട്ടെന്ന് തിരിച്ചറിയുവാന്‍ കഴിയുക :)

Anonymous said...

"Very Well Said" from yet another Nair

Anonymous said...

"Very Well Said" from yet another Nair

പോങ്ങുമ്മൂടന്‍ said...

പ്രിയ മനോജേട്ടാ,

മനപ്പൂർവ്വം തെറ്റായ വിവരണം നൽകിയതല്ല. എന്റെ ധാരണ അങ്ങനെയായിരുന്നു. അതു തിരുത്തിയതിൽ സന്തോഷം. നന്ദി.

പോങ്ങുമ്മൂടന്‍ said...

‘അനോണി നായർ‘ക്കും നന്ദി :)

അരുണ്‍ കായംകുളം said...

ഹരിചേട്ടാ,
എത്ര വലിയ സത്യങ്ങള്‍!!
പലപ്പോഴും വിളിച്ച് കൂവാന്‍ തോന്നിയിട്ടുള്ള സത്യങ്ങള്‍.നന്നായി ചേട്ടാ നന്നായി.
ഞാന്‍ ആഗ്രഹിച്ചത് ഒരാളെങ്കിലും എഴുതി കണ്ടല്ലോ.മന്നത്താചാര്യന്‍റെ ചരിത്രം വായിച്ച് ഞാനും അഭിമാനിച്ചിട്ടുണ്ട്.ഞാനടക്കം എന്തോ വലിയ സംഭവമാണെന്ന് കരുതിയട്ടുണ്ട്.
അത് ഒരു കാലം..
ഇന്നത് ചരിത്രം!!!

ഇപ്പോള്‍ പഴയൊരു പഴം ചൊലല്‍ ഓര്‍മ്മവരുന്നു..

"നായര്‌ പിടിച്ച പുലിവാല്"

ഏത് നായര്.................?

hAnLLaLaTh said...

വായിച്ചു...
നല്ല ഇട പെടല്‍ ...

ഇങ്ങനെ വിളിച്ചു പറയാന്‍ ഓരോരുത്തരും ചങ്കൂറ്റം കാണിക്കാന്‍ തുടങ്ങിയാല്‍ ജാതിയും മതവും പറഞ്ഞുള്ള ചൂഷണം അവസാനിക്കും...

rtnair said...

പ്രിയ പോങ്ങ്സ്
നന്നായിരിക്കുന്നു പ്രതികരണം. അവസാന പാരഗ്രാഫ് തകര്‍ത്തു!!
ടെലിവിഷനില്‍ അയാളുടെ ആക്രോശം കണ്ടപ്പോള്‍ ശരിക്കും ഒന്ന് പൊട്ടിക്കാന്‍ തോന്നിയിരുന്നു.
ഈ പോസ്റ്റ്‌ ലവന്മാര്‍ ഒന്ന് വായിച്ചെങ്കില്‍!

രാജന്‍.

Anonymous said...

:) സാരല്യ പോട്ടേ, ക്ഷമി. ആള് നല്ല ആളൊക്കെത്തന്നെയാണ്.

പിന്നെ, ഭയങ്കര റിച്ച് ആയിട്ടുള്ള ആളുകള്‍ 99% വും ഭയങ്കര ജാതി, മത സ്പിരിട്ടുള്ളവരാണ്. അവരൊക്കെയല്ലേ സംഘടനയുടെ ശക്തി! അവര്‍ക്കൊക്കെ വേണ്ടിയായിരിക്കും അങ്ങിനെ പറഞ്ഞത്.

എല്ലാ മതത്തിലും ജാതിയിലും ഇത് തന്നെ കേസുകെട്ട്.

പിന്നെ, ഭാഗ്യത്തിന് ‘ഒരു ചോനെ മറ്റൊരു ചോന് കണ്ടൂട‘ എന്ന സ്ഥിതിവിശേഷം ഉള്ളതുകൊണ്ട് വെള്ളാപ്പള്ളിക്ക് പാരയായി. അല്ലെങ്കില്‍ വെള്ളാപ്പള്ളി പറയും പോലെ ചോമ്മാര്‍ ഒരുമിച്ച് നിന്നിരുന്നെങ്കില്‍... വെള്ളാപ്പിള്ളി ആരായേനെ? :)

അച്ചുതാന്ദനും പിണറായിയും തമ്മില്‍ എന്തുകൊണ്ടടി എന്ന് പറയാമോ?

രണ്ടും ചോമ്മാരാ..ബുഹഹഹ!

അയ്യോ വയ്യ. അഴീക്കോടും ചോനാ. :)

സ്നേഹത്തോടെ,
വിശാലം & കോ.

ദേവാസുരം said...

hariyanna... you said it...

njaanum keralathinte vadakke attathulla oru nair aanee...

sukummaran nairude dialog kettappo enikkum chorinju vannathaa.. prathyekichu "Delhi Nair' prayogam.... ini peunnayil ulla nayan maar mathram aano original nayanmaar ???

Amarghosh | വടക്കൂടന്‍ said...

സമുദായം നോക്കിയല്ല മന്ത്രിമാരെ നിശ്ചയിക്കുന്നതെന്ന് പറയാന്‍ കോണ്‍ഗ്രസില്‍ ഒരു ഹസ്സനെങ്കിലും ഉണ്ടായല്ലോ... ഭാഗ്യം. http://tinyurl.com/nwmzah

Amarghosh | വടക്കൂടന്‍ said...

നാട്ടിലെ എല്ലാ രാഷ്ട്രീയക്കാരുടെയും ജാതിയും മതവും മനഃപാഠമാക്കിയിട്ടും സ്വന്തമായി ഒരു വിലാസം കണ്ടെത്താന്‍ മാത്രം മുകളിലെ അനോണിക്ക് കഴിയാതെ പോയല്ലോ...

ചെലക്കാണ്ട് പോടാ said...

യൂ സെഡ് ഇറ്റ്

പോങ്ങുമ്മൂടന്‍ said...

എന്റെ അരുണേ,

നിന്റെ പ്രോത്സാഹനത്തിന് നന്ദി. ഞാൻ നിന്റെ ഒരു ആരാധകൻ കൂടിയാണെന്ന് ഇവിടെ പറഞ്ഞുകൊള്ളട്ടെ. ‘നിന്റെ’ എന്ന പ്രയോഗം സ്നേഹംകൊണ്ടുമാത്രം. :)

പോങ്ങുമ്മൂടന്‍ said...

പ്രിയ hAnLLaLaTh,

നമ്മൾ എന്തെല്ലാം വിളിച്ചു പറഞ്ഞാലും അവർ ഇവയൊന്നും ചെവിക്കൊള്ളില്ല. ആകെ ഒരു സമാധാനം ഇങ്ങനെ ഒരു പോസ്റ്റിട്ടുകഴിയുമ്പോൾ ചൊറിച്ചിൽ കുറെയൊക്കെ മാറും എന്നതു മാത്രം. :(

പോങ്ങുമ്മൂടന്‍ said...

rtnair,

സന്തോഷം. നന്ദി

പോങ്ങുമ്മൂടന്‍ said...

വിശാലേട്ടാ,

സന്തോഷം ഈ പ്രോത്സാഹനത്തിന്. കമന്റും പതിവുപോലെ രസിപ്പിച്ചു. :)
അനോണിയായി വന്നാലും വിശാലൻ വിശാലമായ ചിരി നൽകുന്നു. ഒപ്പം ചിന്തയും.

നന്ദി സജീവേട്ടാ.

ചെലക്കാണ്ട് പോടാ said...

NSS നിര്ദ്ധനരായ നായര് കുടുംബങ്ങള്ക്ക് ഒന്നും ചെയ്യുന്നില്ലെന്നുള്ളത് ഒരു മഹാസത്യമാണ്. സ്വന്തം സമുദായത്തിന്റെ കാര്യം നേരെ നോക്കി നടത്താനാവാതെ സമുദായത്തില്പ്പെട്ട നിര്ദ്ധനരായ കുട്ടികള്ക്ക് വിദ്യാഭ്യാസത്തിനോ ജോലിക്കോ വരെ കാശ് ചോദിച്ച് വാങ്ങുന്ന ഇവരെയെല്ലാം പുള്ളി കുത്തി കഴുതപ്പുറത്തിരുത്തി ചങ്ങനാശ്ശേരിയിലൂടെ പ്രദക്ഷിണം വയ്പ്പിക്കണം.

പോങ്ങുമ്മൂടന്‍ said...

വടക്കൂടാനേ,

അഭിപ്രായമറിയിച്ചതിലുള്ള നന്ദി സ്നേഹപൂർവ്വം പറയുന്നു.

ചെലക്കാണ്ട് പോടാ: നന്ദി സ്നേഹിതാ :)

അക്കരെപച്ച said...

ഞാനും കണ്ടിരുന്നു ഇത്. എന്തൊക്കെയാണ് വിളിച്ചു പറയുന്നത്. ഒരു അടിസ്ഥാനവും ഇല്ലാത്ത കാര്യങ്ങൾ.

സത said...

പിന്തുണ...

ചെലക്കാണ്ട് പോടാ said...

നൊസ്സിളകിയതാണെന്ന് തോന്നുന്നു. അവരുടെ പിണിയാളുകളെ എം.പി ആക്കാന് കഴിയാത്തതോണ്ടുള്ള കൊതി കെറവ് തന്നെ. പറയുന്നത് കേട്ടാല് തോന്നും പുള്ളി ഡല്ഹി നായരായത് കൊണ്ട് തിരുവനന്തപുരത്തുള്ള നായന്മാരൊന്നും വോട്ട് ചെയ്തിട്ടില്ലെന്ന്...#$%#%@$!#$ നാക്ക് ചൊറിഞ്ഞ് വരുന്നു.

santhoshhk said...

നല്ല തന്റേടമുള്ള പോസ്റ്റ്.ഇങ്ങനെ പത്തു ത്ന്റേടി നായന്മാരുണ്ടായിരുന്നെങ്കില്‍ ജാതി സംഘടനകളില്‍ നിന്ന് സമുദായത്തെ രക്ഷിക്കാനുള്ള ഒരു രണ്ടാം വിമോചനസമരത്തിന് സ്കോപ്പുണ്ട്.

കുഞ്ഞന്‍ said...

പ്രിയ പോങ്ങൂജീ..

എന്നാപ്പിന്നെ ആ നായര്‍ക്ക് അപ്പോള്‍ പറയാന്‍ പാടില്ലായിരുന്നൊ ( ഇലക്ഷന്‍ സമയത്ത് ) സമദൂര സിദ്ധാന്തത്തില്‍ ഊന്നിയുള്ള ഞങ്ങള്‍ വോട്ട് ചെയ്യണമെങ്കില്‍ (ഇവിടെ ഞങ്ങള്‍ എന്നത് ഏകവചനത്തില്‍ കണ്ടാല്‍ മതി) ഒരു നായരെ മന്ത്രിയാക്കണമെന്ന്. എന്നിട്ടും പോരാഞ്ഞിട്ട് പറയുവാ ദില്ലി നായരൊന്നും നായരല്ലന്ന്. അപ്പോള്‍ ഈ ബഹ്‌റൈനിലിരിക്കുന്ന ഞാനും നായരല്ലാന്ന് നാട്ടിലെ എന്‍ എസ് എസ് കാര്‍ന്നോന്മാര്‍ പറയുമല്ലൊ..!

ഇതിന്റെ പിന്നിലുള്ള പൊരുള്‍ എനിക്കുതോന്നുന്നത് ആ ശിവകുമാറിന് സീറ്റ് നല്‍കാത്തതിലാണെന്നാണ് ( അങ്ങേരല്ലെ പൊരുന്നയിരിക്കുന്ന നമ്മുടെ ഏതൊ നേതാവിന്റെ മരുമകന്‍??) ആ ശശി നായര് അവിടെ വന്ന് നിന്നില്ലായിരുന്നെങ്കില്‍ ഇപ്പെ ആരാ മന്ത്രി..? മത്രിയുടെ അപ്പനെന്ന് പറയുന്നതും ഒരു അന്തസ്സല്ലെ..സ്വഭാവികമായും ദില്ലി നായരോടും വിദ്വേഷം ഉണ്ടാകും..

*** ഇനി നായര്‍ സമുദായം പുരോഗതി പ്രാപിക്കണമെങ്കില്‍ വയസ്സായവര്‍ മാറി ചെറുപ്പക്കാരെ നേതൃത്വ നിരയിലെത്തിക്കണം അതിനീക്കിഴവന്മാര്‍ സമ്മതിക്കുമൊ??

അനില്‍@ബ്ലോഗ് said...

ഉത്തരം താങ്ങി നിര്‍ത്തിയിരിക്കുന്ന പല്ലികളല്ലെ ഈ എന്‍.എസ്.എസ്. പിടിവിട്ടാല്‍ പുരയുടെ മോന്തായം താഴെപ്പോയതു തന്നെ.
:)

മാറുന്ന മലയാളി said...

ചില നായ്ക്കളുണ്ട്(നായന്മാരല്ല....:)). കള്ളന്മാര്‍ വരുമ്പോള്‍ കുരയ്ക്കില്ല അനങ്ങില്ല.. പക്ഷെ വഴിയിലൂടെ ആരെങ്കിലും പോയാല്‍ നിര്‍ത്താതെ കുരയും അഭ്യാസങ്ങളും.....അതേ പരിപാടി തന്നെയാണ് ഞങ്ങളുടെ നായന്മാരുടെ നേതാക്കന്മാരും കാഴ്ചവയ്ക്കുന്നത്. ഇലക്ഷന്‍ സമയമാകുമ്പോള്‍ ‘സമദൂര’ സിദ്ധാന്തവും കയ്യില്‍ പിടിച്ച് ധ്യാനം.......ഇലക്ഷനങ്ങോട്ട് കഴിഞ്ഞാല്‍ ഉടന്‍ തുടങ്ങും ആര്‍ക്കോ വേണ്ടി ഓക്കാനിക്കുന്ന തരത്തിലുള്ള ഇത്തരം പ്രകടനങ്ങള്‍.......ഇവനെയൊക്കെ കഴുത്തിനു പിടിച്ച് പുറത്തിറക്കി ചാണക വെള്ളം തളിച്ച് ശുദ്ധമാക്കിയാലെ ഇവിടേ നായന്മാര്‍ രക്ഷപ്പെടൂ.........

വെള്ളാപ്പള്ളിയുടെ കാര്യവും അക്ഷരാര്‍ത്ഥത്തില്‍ സത്യം തന്നെ.....അയാള്‍ ഈഴവസമുദായത്തിന്‍റെ മറവില്‍ കോടികള്‍ തട്ടിക്കുന്നുണ്ടാകാം സമ്പാദിക്കുനുണ്ടാകും.എങ്കിലും ഈഴവ സമൂഹം ശക്തമാണെന്ന് കേരളത്തെ മനസ്സിലാക്കി തന്നത് വേള്ളാപ്പള്ളിയാണെന്ന് വിസ്മരിച്ച് കൂടാ....

നായര്‍ സമൂഹം ഇപ്പോള്‍ നേരിടുന്ന അവഗണനയ്ക്ക് കാരണം സുകുമാരന്നായരെയും പണിക്കരെയും പോലുള്ള നിഷ്ക്രിയ വര്‍ഗ്ഗമാണ്....സമുദായത്തിന്‍റെ മറവില്‍ പണിക്കരും സുകുമാരന്‍ നായരുമൊക്കെ കാശുണ്ടാക്കിയല്ലോ....നമുക്കത് കണ്ട് തൃപ്തിയടയാം...കഞ്ഞി കുടിച്ചില്ലെങ്കിലെന്താ...നമ്മുടെ കോണകം പുരപ്പുറത്തുണ്ടല്ലോ..........

അരുണ്‍ ചുള്ളിക്കല്‍ said...

ഇതു നിങ്ങളെഴുതിയത് നന്നായികേട്ടൊ, ഞാനൊരു ക്രിസ്ത്യാനിയാണ്. അതുകൊണ്‍റ്റ് പ്രതികരണം വേറെ ഏതെങ്കിലും രീതിയ്ല്‍ വായിക്കപ്പെടുമോ എന്നു സംശയിച്ചിരുന്നു. ഇതു കണ്ടിട്ട് ഞാന്‍ വായും പൊളിച്ചിരിക്കുവാരുന്നു. കാരണം വളരെ ഉചിതമായ നിലയില്‍ ഞാന്‍ കണ്ടിരുന്ന സമുദായമാണു നായര്‍ സമുദായം. തമാശയ്ക് കെട്ടുമെങ്കില്‍ നായര്‍പെണ്ണിനെ കെട്ടുമെന്നും പറഞ്ഞിട്ടുണ്‍ട്. പക്ഷെ ഇങ്ങനെയൊരു കാഴ്ച എനിക്കും ദഹിച്ചില്ല. എല്ലാവരും ഇങ്ങനെ ചിന്തിക്കുന്നില്ല എന്നു കരുതിയതില്‍ സന്തോഷം.

സുനിൽ കൃഷ്ണൻ(Sunil Krishnan) said...

ഈ “സമദൂരം “ എന്നു പറഞ്ഞതു തന്നെ ഒരു കള്ളക്കളി ആണെന്ന് മനസ്സിലാ‍യില്ലേ? കോൺഗ്രസിന്റെ കാലിൽ കൊണ്ടുപോയി നായന്മാരെ മുഴുവൻ കെട്ടുക എന്നതായിരുന്നു ഉദ്ദേശം.തിരുവനന്തപുരത്ത് ശശി തരൂരിനു ആഞ്ഞു കുത്തിക്കൊടുത്തപ്പോൾ ഓർക്കണമായിരുന്നു.സി.പി.ഐയുടെ സ്ഥാനാർത്ഥിയും നായരായിരുന്നല്ലോ..?

നായന്മാർ മുഴുവൻ എൻ.എസ്.എസ് പറയുന്ന പോലെയും , ഈഴവർ മുഴുവൻ വെള്ളാപ്പള്ളി പറയുന്നത് പോലെയും കേട്ടിരുന്നെങ്കിൽ ഇവിടെ ഒരിയ്ക്കലും ഇടതു പക്ഷം അധികാരത്തിലേ വരില്ലായിരുന്നു.ഇത്തരം പ്രസ്താവനകൾ നടത്തുന്ന സമുദായ നേതാക്കൾ ഇതൊക്കെ ഓർത്താൽ കൊള്ളാം.

എസ്.എൻ.ഡി.പി നേതാക്കളായിരുന്ന
ആർ.ശങ്കറും, കെ.കെ വിശ്വനാഥനും, ഡോ.കെ.കെ രാഹുലനും,പ്രതാപ് സിംഗും ,എൻ.ശ്രീനിവാസനും എല്ലാം എന്നും കോൺഗ്രസിന്റെ നേതാക്കളായിരുന്നപ്പോളും അണികൾ ഇടതുപക്ഷ്ത്തോടൊപ്പം നിന്ന ചരിത്രമാണു എസ്.എൻ.ഡി.പിയ്‌ക്കു ഉള്ളത്.എൻ.എസ്.എസിന്റെ കഥയും അതൊക്കെ തന്നെ.

വൈക്കം സത്യാഗ്രഹത്തിനു അനുകൂലമായി “സവർണ്ണ ജാഥ “ നടത്തിയ മന്നം, വിമോചന സമരത്തിന്റെ നേതാവായിരുന്നു.ഇന്നിപ്പോൾ വിമോചനസമരം വേണ്ട എന്നു പറഞ്ഞതിലൂടെ മന്നത്തിന്റെ അന്നത്തെ നിലപാടുകളെയും എതിർക്കുകയല്ലേ ഇപ്പോൾ ചെയ്യുന്നത് എന്നറിഞ്ഞാൽ മതി.അതൊരു സന്തോഷകരമായ കാര്യം തന്നെ !

പോങ്‌സ്, വെള്ളാപ്പള്ളിയെക്കുറിച്ച് എഴുതിയതിൽ തിരുത്തൽ വരുത്തേണ്ടതുണ്ട്.അതിന്റെ ശരിയായ വിശദീകരണം രണ്ടാമത്തെ കമന്റിൽ മനോജ് പറഞ്ഞിട്ടുണ്ട്.


കാലിക പ്രസക്തിയുള്ള പോസ്റ്റ് പോങ്ങൂ, നന്ദി..ആശംസകൾ !

പുള്ളി പുലി said...

നന്നായി. ശരിക്കും നന്നായി. അവസാനത്തെ വരികള്‍ കിടിലന്‍. ഇങ്ങിനെ സമുദായ പ്രീണനവും പ്രാദേശിക പ്രീണനവും കൊണ്ടാണ് ബിഹാറും ജാര്‍ഗണ്ടും പോലുള്ള സംസ്ഥാനങ്ങളില്‍ കുറച്ചു കാലം ദേശീയ പാര്‍ട്ടികളെ മൂലക്കിരുത്തിയത്. അവിടെയുള്ള ദേശിയപാര്ട്ടിക്കാര്‍ക്ക് നേരം വെളുത്തു അത് ഇലക്ഷനില്‍ കാണുകയും ചെയ്തു. കേരളത്തില്‍ ഇപ്പോഴും ഇവരുടെ കുര കേട്ട് മോങ്ങുന്ന ദേശിയ പാര്ട്ടിക്കാരെ കുനിച്ചു നിര്‍ത്തി ചന്തിക്കടിക്കണം.

G.manu said...

പോങ്ങൂ

നായരായതുകൊണ്ട് ജീവിതത്തില്‍ ഒരു മഹാ ആപത്തില്‍ നിന്ന് രക്ഷപെട്ട സംഭവം ഓര്‍ത്തുപോകുന്നു..അതും നായരായിപ്പോയ ദുര്‍ഗതികൊണ്ട് നാടുവിട്ട യാത്രയില്‍ തന്നെ :)

നാടൊക്കെ അവസാനമായി ഒന്നു കാണാം എന്നു കരുതി ട്രെയിനിന്റെ വാതില്‍ക്കലിരുന്നപ്പോ ഒരു റെയില്‍‌വേപ്പോലീസ് ചേട്ടന്‍ തോണ്ടിപ്പറഞ്ഞു “അടുത്ത സ്റ്റേഷനില്‍ ഇറങ്ങിയിട്ട്, നേരേ പോലീസ് സ്റ്റേഷനിലേക്ക് വാ. ഇവിടെ ഇരിക്കുന്നത് ക്രൈം ആണ്..” കാലുപിടിച്ചിട്ടും നോ രക്ഷ..

ഒടുവില്‍ സീനിയര്‍ ഓഫീസറുടെ അടുത്തേക്ക് കൊണ്ടുപോയി.. വിയര്‍ത്തുകൊണ്ട് കാലുപിടുത്തം..

അമ്മാവനു കരളലിഞ്ഞു..ഊരും പേരും ജാതിയും ചോദിച്ചു.. ഉവാച..”നായരാണല്ലേ..ഞാനും നായരാ... അതുകൊണ്ട് നിന്നെ വെറുതെ വിടുന്നു..ഉള്ളതെടുക്ക്...!!!!!!!”

നൂറ്റമ്പതു രൂപ കൈയില്‍ പിടിപ്പിക്കുമ്പോ അമ്മാവന്റെ നെയിം പ്ലേറ്റ് ഞാന്‍ ഒന്നു നോക്കി “വര്‍ഗീസ് കുര്യന്‍”

ഹോ അന്നാ വര്‍ഗീസ് നായര്‍ എന്നെ രക്ഷിച്ചതോര്‍ക്കുമ്പോ....:))

sivaprasad said...
This comment has been removed by the author.
sivaprasad said...

പുതിയൊരു നായര്‍ വിഭാഗവും കൂടി..ഡല്‍ഹി നായര്‍ !!!!
ഇവരുടെ ഒക്കെ കുരയെക്കള്‍ ഭേദം ചിത്രകാരന്റെ കുര അല്ലെ എന്നൊരു കണ്പൂഷന്‍

വിദൂഷകന്‍ said...

നന്നായി പോങ്ങുമ്മൂടാ...

അലക്കല്‍ ചിലപ്പോള്‍ ഒരു ചികിത്സയുടെ ഗുണം ചെയ്യും..
ഇത് മലയാളിയെ ആഴത്തില്‍ ബോധ്യപ്പെടുത്തിയത് നമ്പ്യാരാണ്...

സ്വന്തം സമുദായത്തില്‍ നിന്നുതന്നെ എതിര്‍ശബ്ദങ്ങള്‍ ഉണ്ടാകണം..

എല്ലാ ഭാവുകങ്ങളും...

poor-me/പാവം-ഞാന്‍ said...

Healthy criticism from with in the community is welcome and positive....and its applicable for al rlgn and cmnty..

ചാണക്യന്‍ said...

:):)

yookrish said...

Hi Nair!

you simply said it.

വീ.കെ.ബാല said...

പാങ്ങു നന്നായി പറഞ്ഞിരിക്കുന്നു,ഞങ്ങളുടെ നാട്ടിലും ഇങ്ങനെ ഒരു കഥ ഞാൻ കേട്ടിരുന്നു അവസാനം ആ പെൺകുട്ടിക്ക് സഭയുടെ സ്കൂളിൽ ജോലി കിട്ടി, ഇതെക്കുറിച്ച് ഞാനും ഒരു കുറിപ്പിട്ടിരുന്നു....

പോങ്ങുമ്മൂടന്‍ said...

എല്ലാവർക്കും നന്ദി.

പോങ്ങുമ്മൂടന്‍ said...

സുനിലേട്ടന്റെ നിർദ്ദേശം ശ്രദ്ധിക്കാം. ശ്രീ. മനോജിന്റെ കമന്റ് ഞാൻ കണ്ടിരുന്നു. എന്റെ അറിവില്ലായ്മയാണത്. ക്ഷമിക്കുക. കമന്റിനു നന്ദി ചേട്ടാ.

ചെറായിൽ വച്ച് നമുക്കുകാണാമല്ലേ? :)

Amarghosh | വടക്കൂടന്‍ said...

വിശാലം & കോ. എന്ന് കണ്ടെങ്കിലും അത് വിശാലമനസ്കന്‍ തന്നെയായിരിക്കും എന്ന് ഞാന്‍ കരുതിയില്ല... സെക്രട്ടറിയെ പറഞ്ഞത് ഇഷ്ടപ്പെടാത്ത ഏതെങ്കിലും “കരയോഗം പ്രസിഡണ്ടുമാരോ” അതല്ലെങ്കില്‍ “ആഢ്യത്തമുള്ള കിരിയത്ത് നായന്മാരോ” വന്നിട്ട് അങ്ങനെയിപ്പം ഇവിടെ നായന്മാരെ മാത്രം പറഞ്ഞാലെങ്ങനാ, ചോന്മാര്‍ക്കും ഇരിക്കട്ടെ ഒരു താങ്ങ് എന്ന ലൈനില്‍ കമന്റിയതാണെന്ന് കരുതിയാ എന്റെ രണ്ടാമത്തെ കമന്റ് ചാര്‍ത്തിയത്. ഹിന്ദുക്കളുടെ എന്തെങ്കിലും കുറവുകളെ പറ്റി പറയുന്ന ബ്ലോഗില്‍ കയറി “മുസ്ലീമുകളെന്താ മോശമാണോ”/“ക്രിസ്ത്യാനികള്‍ അങ്ങനെ കാണിച്ചില്ലേ” എന്നൊക്കെ ചോദിച്ചില്ലേല്‍ ഉറക്കം വരാത്ത അനോനികള്‍ വാഴുന്ന ബൂലോകമല്ലേ... ഷമിഷു ബേകു. സ്വാറി.

പോങ്ങുമ്മൂടന്‍ said...

പ്രിയ വടക്കൂടാനേ,

പോട്ടെന്നെ :) അനോണിമാമയാണെന്ന് ധരിച്ചാണ് അങ്ങനെ പറഞ്ഞതെന്നെനിക്ക് മനസ്സിലായിരുന്നു. വിശാലേട്ടൻ നുമ്മെ ഒന്നാശ്വസിപ്പിച്ചതല്ലേ?

bilatthipattanam said...

പോസ്റ്റിനേക്കാൾ നന്നായത് ; വിശാലം&കോ യുടെ അഭിപ്രായമാണ് കേട്ടോ...

അനില്‍ ആദിത്യ said...

അല്ലെങ്കിലും നിങ്ങള്‍ നായന്മാര്‍ക്ക് അങ്ങിനെ തന്നെ വേണം...
കടപ്പാട്‌...പുലിവാല്‍ കല്യാണത്തിലെ മണവാളന്‍ സലിം കുമാറിനോട്

Anonymous said...

"രാഷ്ട്രീയത്തിൽ മതപരമായ ഇടപെടലുകൾ അനുവദിക്കാതെ നോക്കേണ്ടത് രാഷ്ട്രീയക്കാർ തന്നെയാണ്. എന്നാൽ അവർതന്നെ ഇത്തരം സമുദായങ്ങളുടെ പിന്നാലെ പത്തോട്ടിനായി പരക്കം പായുന്നതും"
പൊങ്ങു മാഷെ ഇതില്‍ തന്നെ എല്ലാം അടങ്ങിയുട്ടുണ്ടല്ലോ ? അല്ലെ ?

പാവത്താൻ said...

:-)

Anonymous said...

പണിക്കരേയും നായരേയും പേടിപ്പിക്കാന്‍‌‌‌‌ നല്ല ശൗര്യമാണ്‍‌‌‌‌. പക്ഷേ അഷ്ടിക്ക് മുട്ടണമെങ്കില്‍‌‌ ഒരു സാദാ നായര്‍ക്ക് ഗോസായി നാട്ടില്‍‌‌‌‌ ചെല്ലണം. ചായക്കടതുടങ്ങണം‌‌. റിവേഴ്സ് റേസിസത്തിന്റേയും റിവേഴ്സ് ഡിസ്ക്രിമിനേഷന്റെയും പ്രയോക്താക്കളൊക്കെ നല ഉഷാറിലാ. പൊടിപോലുമുണ്ടാവില്ല കണ്ടുപിടിക്കാന്‍‌‌.

- ജി.മനു പറഞ്ഞ പോലെ നായരായിപ്പോയ ദുര്‍‌‌ഗതികൊണ്ട് നാടുവിട്ട വേറൊരു നായര്‍‌‌.

കേരളഫാര്‍മര്‍ said...

ഒരു നായരായ എനിക്ക് പോങ്ങുമ്മൂടന്റെ ഈ പോസ്റ്റ് വായിച്ചപ്പോള്‍ അധിമാനം തോന്നി. എനിക്ക് പറയാനുള്ളതെല്ലാം ഒറ്റയടിക്ക് എഴുതിക്കളഞ്ഞില്ലെ. ഒരല്പം സാമ്പത്തിക ശേഷിയുള്ള എന്റെ മകന് ഒരല്പം യോഗ്യതയുള്ള പെണ്‍കുട്ടിയെ തെരയാന്‍ തുടങ്ങിയിട്ട് കുറച്ച് നാളുകളായി. ഈ നായര്‍ സര്‍വ്വീസ് സൊസൈറ്റി എന്റെ മകന് ഒരു പെണ്ണു കിട്ടാന്‍ സഹായിക്കുമോ? എവിടെ കാശിനും അധികാരത്തിനും വേണ്ടി പരക്കം പായുന്നവര്‍ക്കെവിടെ ഇതിനൊക്കെ സമയം. ഈ നായര്‍ സര്‍വ്വീസ് സൊസൈറ്റിയുടെ 125-ാം നമ്പര്‍ കരയോഗത്തിലെ 443 -ാം നമ്പര്‍ സ്ഥിരാംഗമാണ്. അതിനാല്‍ പെട്ടെന്നെടുത്ത് വെളിയില്‍ കളയില്ല (ഞാനതിനകത്ത് കയറാറില്ല സഹകരിക്കാറും ഇല്ല. അതിന്റെ കാരണങ്ങള്‍ വ്യക്തമായി എഴുതിയിട്ടുണ്ട്).
അടുത്തതായി നായന്മാരെ മറ്റെന്തോ ഉദ്ദേശത്തോടെ ധനലക്ഷ്മി ബാങ്കില്‍ നിന്ന് വായ്പയെടുത്ത് പശുവളര്‍ത്തല്‍ തുടങ്ങാന്‍ പോകുന്നു. ലാഭമില്ലാത്ത ഈ കച്ചവടത്തില്‍ പലിശയും മൊതലും അടച്ച് തീര്‍ക്കാന്‍ പല നായന്മാരെയും കൊലയ്ക്ക് കൊടുക്കാന്‍ പോകുന്നു. എനിക്ക് റബ്ബറുള്ളതുകൊണ്ട് പശു വളര്‍ത്തുന്നു. കണക്കുകള്‍ ഈ എന്‍.എസ്.എസ്സുകാര്‍ പരിശോധിക്കുന്നത് നല്ലതായിരിക്കും. വായ്പ തിരിച്ചടക്കുവാനുള്ള ഉത്തരവാദിത്വം തീര്‍ച്ചയായും പാവപ്പെട്ട നായന്മാരുടെ തലയില്‍ കെട്ടിവെയ്ക്കും തീര്‍ച്ച.

അരുണ്‍ കായംകുളം said...

എല്ലാരുടെയും അഭിപ്രായമറിയാന്‍ ഒന്നൂടെ ഓടി വന്നതാ.
പ്രതീക്ഷിച്ചപോലെ തന്നെ തകര്‍പ്പന്‍.
അണ്ണാ, കലിപ്പ് തീരുന്നില്ലണ്ണാ..
ഇനിയും വരും.

keralafarmer said...

Tracking

മൂലന്‍ said...

ഇത് വളരെ അവസരോചിതമായ പോസ്റ്റ്‌ ആയി. എന്റെ മുത്തച്ഛന്റെ കാലം തൊട്ടു അതായതു ഏകദേശം ഒരു എഴുപതു വര്‍ഷത്തോളമായി NSS നെ ഒരു വിധത്തിലും ഞങ്ങളുടെ കുടുംബകാര്യങ്ങളിലും മറ്റൊന്നിലും തന്നെ കൂട്ടി തൊടീക്കില്ല എന്ന ഒരു unhidden agenda തന്നെ നടപ്പാക്കിയിരുന്ന ഒരു നായര്‍ കുടുംബം ആയിരുന്നു ഞങ്ങളുടേത്. കാരണം എല്ലാം താങ്കള്‍ എഴുതിയത് തന്നെ. ഒരിക്കല്‍ NSS ന്റെ എന്തോ ഒരു കാരണം പറഞ്ഞുള്ള പിരിവിനു വന്നപ്പോള്‍ എന്റെ അച്ഛന്‍ പറഞ്ഞതോര്‍ക്കുന്നു "ഞാന്‍ ഒരു ദിവസം കുറഞ്ഞത് ഒരു 3-4 സാധാരണക്കാര്‍ക്ക്‌ സൌജന്യമായി ചികിത്സയും മരുന്നും നല്‍കുന്നു. അതിലും അധികം എന്തെങ്കിലും സഹായം സമൂഹത്തിനു NSS ഇല്‍ നിന്നും കിട്ടുന്നുണ്ടെന്ന് എനിക്ക് ബോധ്യമാകുന്ന കാലത്ത് ഞാന്‍ ഇതില്‍ അംഗം ആയിക്കോളം, പിരിവും തരാം. അതുവരെ ഇങ്ങോട്ട് വരണ്ട." മുന്‍പെവിടെയോ NSS ന്റെ വിലക്കിനെപ്പറ്റി വായിച്ചതോര്‍ക്കുന്നു. എന്തായാലും അങ്ങനെ ഒന്നും ഞങ്ങളുടെ നേര്‍ക്ക്‌ നേരിട്ട് സാധിച്ചതായി അറിവില്ല, പക്ഷെ ഒരു ഹിഡന്‍ അജണ്ട ഉണ്ടായിരുന്നു, ഇന്നും തുടരുന്നു.. പക്ഷെ അവരെ ആവിശ്യമില്ലാതിടത്തോളം ഞങ്ങള്‍ പ്രശ്നമില്ലാതെ ജീവിക്കുന്നു. ഒരുപക്ഷെ എന്റെ മുത്തച്ഛനും അച്ഛനും പെണ്മക്കള്‍ ഇല്ലാത്തതും ഒരു നല്ല കാര്യമായിരുന്നിരിക്കാം. കാരണം NSS കാരുടെ വരുതിക്ക് നില്കാത്ത ചില സാധു നായന്മാരുടെ കുടുംബത്തിലെ പെണ്‍കുട്ടികളുടെ കല്യാണം വരെ NSS മുടക്കിയിട്ടുള്ളത് നേരിട്ടറിയാം.. Sorry for the length of the comment, I can not resist myself writing against NSS.

നന്ദകുമാര്‍ said...

ഇവിടെ നായന്മാരല്ലാത്തവര്‍ക്കും കമന്റിടാമല്ലോ അല്ലേ? :)

ഇത്തരം നായ്ക്കളുടെ അനവസരത്തിലെ കുരകള്‍ക്ക് നേരെ കല്ലെടുത്ത് എറിയാനും ഇവിടെ (ബ്ലോഗിലെങ്കിലും) ആളുകളുണ്ടെന്നത് ആശ്വാസമേകുന്നു. നാളിതുവരെ സാമ്പത്തികമില്ലാത്ത/ദരിദ്ര നായരെ സഹായിച്ച ചരിത്രമൊന്നും എന്‍ എസ്സ് എസ്സിനുണ്ടെന്ന് എനിക്കു തോന്നുന്നില്ലെ (എന്റെ അനുഭവത്തിലെങ്കിലും)

പോങ്ങുവിന്റെ പ്രതികരണം അവരോചിതമായി

പോങ്ങുമ്മൂടന്‍ said...

നന്ദേട്ടാ,

നന്ദി. :)

“പോങ്ങുവിന്റെ പ്രതികരണം അവരോചിതമായി“

സരിഗേച്ചിയെ കെട്ടിയതിനുശേഷമാണോ ചേട്ടൻ ‘സ’യോടിത്ര വെറുപ്പ്. എവിടെ അവസരോചിതത്തിന്റെ ‘സ’?. ഇത് ഞാൻ കൊന്നാലും പൊറുക്കില്ല :)

പോങ്ങുമ്മൂടന്‍ said...

മൂലൻ,

കമന്റിത്തിരി നീണ്ടാലെന്ത്? താങ്കൾ പറയുന്നത് കാര്യമല്ലേ?

നന്ദി മൂലൻ

പോങ്ങുമ്മൂടന്‍ said...

അരുണേ,

നീ വന്ന് ഞെരിക്ക്. കലിപ്പ് തീരുംവരെ അറുമാദിക്ക് :)

പോങ്ങുമ്മൂടന്‍ said...

പ്രിയ ഫാർമറേ,

നായന്മാരുടെ ‘ക്ഷീരവിപ്ലവ‘ത്തിനുപിന്നിൽ സദുദ്ദേശമാവാൻ വഴിയില്ല. സത്യം.

പെരുന്നയിലെ നായന്മാരുടെ ‘പോഷകാഹാര’-ക്കുറവ് പരിഹരിക്കാനുള്ള ശ്രമമാവുമിതും. :)
കൊഴുക്കട്ടെ..

പോങ്ങുമ്മൂടന്‍ said...

ബിലാത്തിപട്ടണം,

അതങ്ങനയല്ലേ വരൂ പട്ടണമേ, അങ്ങനെ ആവുന്നതല്ലേ നല്ലതും. വിശാലേട്ടൻ കീ ജയ് :)

നന്ദി ബിലാത്തി.

krish | കൃഷ് said...

പൊങ്ങൂ.. അവസാനത്തെ ആ പഞ്ച്‌ ലൈൻ ഇഷ്ടപ്പെട്ടു.

എന്തു ചെയ്യാനാ..കേട്ടിട്ടില്ലേ "ഉണ്ടിരിക്കണ നായർക്ക്‌......."

:)

ria n air said...

താങ്കള്‍ എഴുതിയതിനോട് പൂര്‍ണമായും യോജിക്കുന്നു. നായര്‍ സമുദായത്തില്‍ യാതൊരു സ്വാധീനവും ഇല്ലാത്ത, കുറെ കരയോഗം നായന്മാരുടെ മാത്രം സ്വത്താണ് , ഈ എന്‍.എസ്, എസ്. അതിന്റെ ചരിത്രത്തിലെ തന്നെ ഏറ്റവും അഴിമതി നിറഞ്ഞ ഒരു പുങവനാണ് ഈ സുകുമാരന്‍. എന്‍.എസ്. എസ്. നായര്‍ സമുദായ അംഗങ്ങള്‍ക്ക് പ്രത്യേകിച്ച് പാവപ്പെട്ടവര്‍ക്ക്‌ ഒന്നും ചെയ്തിട്ടില്ല എന്ന് പറയുന്നത് തീര്‍ത്തും ശരിയാണ്. താങ്കള്‍ പറഞ്ഞത് പോലെ, നായര്‍ക്ക്‌ ഉണ്ടായിരുന്ന, അവസാനത്തെ അഭിമാനവും ഈ സുകുമാരന്‍ നായര്‍ എന്ന ശവം തീനി കളഞ്ഞിരിക്കുന്നു. ഈ പത്ര സമ്മേളത്തിന് ശേഷം ഞാന്‍ ഒരു ബ്ലോഗ്‌ ഉണ്ടാക്കിയിട്ടുണ്ട്. നായര്‍ സര്‍വീസ് സൊസൈറ്റി കേരള, എന്ന ആ ബ്ലോഗിലൂടെ പറയാന്‍ ശ്രമിക്കുന്നത് താങ്കള്‍ ഇപ്പോള്‍ പറഞ്ഞ കാര്യങ്ങള്‍ തന്നെ. കഴിയുമെങ്ങില്‍ അതില്‍ എഴുതുക. ഇത് പോലെ ശക്തമായതും ആസയപരമയതും ആയ പോസ്റ്റുകള്‍ പ്രതീക്ഷിക്കുന്നു.

മന്നത്ത് പദ്മനാഭന്റെ കാര്യത്തില്‍ ഒരു വിയോജിപ്പ്‌ പറഞ്ഞോട്ടെ, താങ്കള്‍ പറഞ്ഞതിനെ ശരി വെക്കുന്നതിനോപ്പം.
വിമോചന സമരം എന്ന സ്പോണ്‍സെര്ദ്‌ പ്രോഗ്രാമില്‍ നായര്‍ സമുദായത്തെ പന്കെടുപ്പിക്കെണ്ടിയിരുന്നോ എന്നതാണ് അത്? സ്വന്തം വാലായ നായര്‍ മുറിച്ച മാറ്റിയ, പുലയന് ഊണ് കൊടുത്ത ആള്‍ എന്ത് കൊണ്ടോ, മാറി ചിന്തിച്ചു, അത് തെറ്റായി പോകയും ചെയ്തു. ആ തെറ്റ് തന്നെ പിന്നീട് വന്നവര്‍ തുടരുകയുംചെയ്യുന്നു.

നിരഞ്ജന്‍ said...

ഒരേ സമയം അര്‍ത്ഥവത്തും ആശങ്ക ഉയര്‍ത്തുന്നതുമായ ഒരു ചിന്തയാണ് പോങ്ങു പങ്കുവച്ചത്..
പെരുന്നയിലെ നായര്‍ "നേതാക്കള്‍ക്ക്" (പണിക്കര്‍ അങ്കിള്‍ ഒഴികെ) ഒരു തരം മിഥ്യാ ബോധമാണ്.
ചാടിക്കളിക്കെടാ എന്ന് പറയുമ്പോള്‍ ചാടുന്ന കൊച്ചുരാമാന്മാരാന് നായന്മാര്‍ എന്ന മിഥ്യാ ബോധം.

എങ്ങിനീയറിങ്ങിന് പഠിക്കുന്ന സമയത്ത് ഫീസ്‌ കൊടുക്കാനില്ലാതെ വലഞ്ഞു നടന്ന ഞാന്‍ പലരോടും കടം ചോദിക്കാന്‍ പോയത് എന്റെ സുഹുര്‍ത്തിന്റെ ബൈക്കില്‍ ആയിരുന്നു. "പട്ടിക ജാതി" എന്ന് സര്‍ക്കാര്‍ വിളിക്കുന്ന "ജാതിയില്‍" പെട്ട ആ സുഹൃത്തിനു എന്ട്രന്‍സ്സിനു റാങ്ക് 45000. പക്ഷെ അവന്റെ ഫീസ്‌ സര്‍ക്കാര്‍ അടച്ചു കൊള്ളുമത്രേ. അവന്റെ അച്ഛനും അമ്മയ്ക്കും സര്‍ക്കാര്‍ ജോലി. അവനു ഒരു ബൈക്ക്, വീട്ടില്‍ കാറ്, ചേച്ചിക്ക് കൊടുത്ത സ്ത്രീധനം 20 ലക്ഷം.
നായര്‍ ആയി പോയ ഞാന്‍ ഫീസിനു വേണ്ടി നാട് തെണ്ടുന്നു...

ഒറ്റപ്പെട്ട സംഭമാണോ ഇത്... തീര്‍ച്ചയായും ആവില്ല. നമ്മളില്‍ ഓരോരുത്തര്‍ക്കും പറയാന്‍ ഉണ്ടാകും ഇത് പോലെ ഒരു കഥ.. ഒന്നുകില്‍ സ്വന്തമായി അല്ലെങ്കില്‍ കണ്മുന്നില്‍ കണ്ടതായി.. ഒരു കഥ.. അസമത്വത്തിന്റെ കഥ..

അതിനെതിരെ പൊരുതാന്‍ കഴിയാത്തതാണ് എന്‍.എസ്.എസ് തമ്പുരാക്കന്മാരുടെ വെളിപാടുകള്‍ക്കു ഒരു നായരുടെ പോലും പിന്തുണ ആര്‍ജിക്കാന്‍ ആവാത്തതും.

സംവരണം പാവപ്പെട്ടവര്‍ക്ക് കൊടുക്കട്ടെ. ഉണ്നാനില്ലതവര്‍ക്ക് കൊടുക്കട്ടെ.. മരുഭൂമിയില്‍, മരം കോച്ചുന്ന മഞ്ഞുള്ള മല നിരകളില്‍ കാവല്‍ നിന്ന് രാജ്യത്തെ കാക്കുന്ന പട്ടാളക്കാരന്റെ മക്കള്‍ക്ക്‌ കൊടുക്കട്ടെ സംവരണം. വികലാംങരായവര്‍ക്ക് കൊടുക്കട്ടെ.

ആര്‍ക്കും പരാതിയില്ല... സന്തോഷമേയുള്ളു...

mumbai malayalees said...

ഇത്ര കറക്റ്റ്‌ ആയിട്ടു എങ്ങനെ പറയുന്നു?
എന്റെ കൂടെ വര്‍ക്ക്‌ ചെയ്യുന്ന ആളും നായര്‍ ആണ് . മുംബൈ നായര്‍

പോങ്ങുമ്മൂടന്‍ said...

പ്രിയ നിരഞ്ജൻ,

ഒന്നും ഒറ്റപ്പെട്ട സംഭവമല്ല. നായർ സർവ്വീസ് സൊസൈറ്റി യാതൊരു സഹായവും ഒരിടത്തും ഒരു നായർക്കും നൽകുന്നതായി അറിവില്ല.

ആകെക്കൂടി അവർ നായന്മാർക്കുവേണ്ടി ചെയ്യുന്നത് വല്ലപ്പോഴും നടത്തുന്ന ‘ശക്തിപ്രകടന’മാണ്. ഏതാനും മാസം മുൻപ് തിരുവനന്തപുരത്തെ പുത്തരിക്കണ്ടം മൈതാനിയിൽ വച്ചൊന്ന് ശക്തിപ്രകടിപ്പിച്ചു. വെള്ളയമ്പലം മുതൽ പുത്തരിക്കണ്ടം വരെ പാവപ്പെട്ട നായന്മാരെ നിരനിരയായി നടത്തിച്ചു.
നേതാവ് നായർ കാറിൽ പ്രസംഗിക്കാനായി സ്റ്റേജിനുചുവട്ടിലുമെത്തി.

ഇനി ഒരു ചോദ്യം: ശക്തിപ്രകടിപ്പിച്ച് വായിലൂടെ നുരയും പതയും വരുത്തി 4 കിലോമീറ്ററോളം നടന്ന നായന്മാരാ‍രായി?

ഉത്തരം: ‘ശശി നായർ‘ അഥവാ ദില്ലി നായർ.

സത said...

ഹ ഹ.. പോങ്ങുമൂടന്‍ പറഞ്ഞത് ഞാനും ചിന്തിച്ചിരുന്നു.. ആ റാലിയെപ്പറ്റി..!
സമദൂര സിദ്ധാന്തം എന്നൊരു സിദ്ധാന്തം കണ്ടു പിടിച്ചിട്ടു എന്തിനാ ഇങ്ങനെ ഒക്കെ റാലി നടത്തി നായന്മാര്‍ വിയര്‍പ്പു കളയുന്നത്? കപ്പക്ക്‌ ഇട കിലക്കുകയായിരുന്നെന്കില്‍ നല്ല കപ്പ പുഴുങ്ങി തിന്നാന്‍ പറ്റിയേനെ.. :)

മറ്റൊരു നായ..

പോങ്ങുമ്മൂടന്‍ said...

എന്റെ സത, നായന്മാരങ്ങനെ ശക്തിപ്രകടിപ്പിച്ച് ശക്തിപ്രകടിപ്പിച്ച് പോവുന്ന കാഴ്ച ഒന്നുകാണേണ്ടതുതന്നെയായിരുന്നു.

എന്റെ ഒരു തിരോന്തോരം കൂട്ടുകാരൻ അത് കണ്ടു പറഞ്ഞത് ‘ കഷ്ടം, പെറ്റ തള്ള സഹിക്കില്ലാന്നാണ്’. :)

ആർപീയാർ | RPR said...

പൊങ്ങൂ,

ഹാറ്റ്സ് ഓഫ്..

:)

Chau Han said...

ഞാന്‍ ഒന്നും പറഞ്ഞിട്ടില്ല.

keraladasanunni said...

എന്‍റെ മൂത്ത മകന്‍ പ്രീഡിഗ്രി ജയിച്ച് ഡിഗ്രിക്ക് അപേക്ഷ കൊടുത്ത സമയം. ബി.കോമിന്ന് ഒരു സീറ്റിനായി സമുദായ നേതാക്കളെ കാണുന്നു, അപേക്ഷ കൊടുക്കുന്നു. എന്‍.എസ്.എസ്. കോളേജില്‍ കിട്ടുന്ന വിഷയത്തില്‍ ചേരൂ, ബാക്കി നമുക്ക് ശരിയാക്കാം എന്ന ഉറപ്പില്‍ സന്തോഷിച്ചിരിക്കുന്നു. മകനെ ബി.എ. ഇക്കണോമിക്സിന്ന് ചേര്‍ത്തുന്നു. ഒടുവില്‍ കൂടുതല്‍ പണം വാങ്ങി അന്യ സമുദായക്കരന്ന് സീറ്റ് വിട്ടതായി അറിയുന്നു. ക്ലാസ് തുടങ്ങുന്നതിന്ന് മുമ്പ് തന്നെ മകന്‍റെ ടി.സി. വാങ്ങി പാരലല്‍ കോളേജില്‍ ചേര്‍ത്താമെന്ന് കരുതി ചെന്നപ്പോള്‍ ഒരു ടേമിലെ മുഴുവന്‍ ഫീസും വാങ്ങിയിട്ടേ ടി.സി. തന്നുള്ളു. പണത്തിന്ന് മീതെ സമുദായ സ്നേഹവും പറക്കില്ല എന്ന് അന്ന് എനിക്ക് മനസ്സിലായി. ഞാന്‍ എഴുതാത്തത് എഴുതിയതിന്ന് അഭിനന്ദനങ്ങള്‍.
palakkattettan.

VEERU said...

ee peru kore kettathaaa...innaanu kaanaanum ariyaanum yogam indaaye...!! nannaayittind mashe...ee boolokathil thankalum oru "nakshathram!!" thanne ...kettathu neru !!

Gowri said...

മലയാളത്തിലെ നല്ല ബ്ലോഗുകള്‍ കൂടുതല്‍ വായനക്കാരില്‍ എത്തിക്കുക എന്ന ഉദ്ദേശ്യത്തോടു കൂടി
http://vaakku.ning.com എന്ന കൂട്ടായ്മ, വാക്ക് തുടങ്ങിയിരിക്കുന്നു. നിങ്ങളുടെ രചനകള്‍ അവിടെ പോസ്റ്റ്‌ ചെയ്യുക... വാക്കിന്റെ ഒരു ഭാഗമാവുക. എഴുത്തുകാരുടെ സഹകരണം മാത്രമാണ് ഈ ഒരു സംരംഭത്തിന്റെ മുതല്‍ക്കൂട്ട് .

ധനേഷ് said...

പോങ്ങുവേട്ടാ...
“വാസ്തവം” അല്ലെങ്കില്‍ “പച്ചപ്പരമാര്‍ത്ഥം” എന്നല്ലാതെ ഒന്ന് ഈ പോസ്റ്റിനെപ്പറ്റി പറയാനില്ല..

വ്വളരെ നല്ല പോസ്റ്റ്..
അഭിനന്ദനങ്ങള്‍..

ഇതെല്ലാം കണ്ട് മനസ്സുമടുത്ത മറ്റൊരു നായര്‍..

കുമാരന്‍ | kumaran said...

അല്ല, അദ്ദേഹം ചെന്നിത്തലയ്ക്ക് വേണ്ടി കുരച്ചതല്ലേ????

ഘടോല്‍കചന്‍ said...

ലതു നന്നായി............ഒള്ള കാര്യം ഒള്ള പോലെ പറഞ്ഞു.

പെരുന്നേലിരിക്കുന്ന കുണാണ്ടേഴ്സ് കാശെണ്ണിവാങ്ങാന്‍ കാണിക്കുന്ന താല്‍പ്പര്യം സ്വന്തം സമുദായത്തിലെ പാവപ്പെട്ടവരെ സഹായിക്കാനൂടെ കാണിച്ചാമതിയാരുന്നു... ഒവ്വ നടന്നതുതന്നെ. അവര്‍ക്കിതല്ലാതെ വേറേന്തോ പണിയറിയാം.....
സമ്മതിക്കണം പ്രഭോ സമ്മതിക്കണം....

വേറൊരു നിരാശ നായര്‍..... :)

ഒരു ഈശ്വരവിശ്വാസി said...

പൊങ്ങൂ നിങ്ങള്‍ പറഞ്ഞത് അക്ഷരം പ്രതി ശരിയാണ്. ഒരു നപുംസകമായ ജനറല്‍ സെക്രടരിയും വിവരക്കേടിന്റെ പര്യായമായ അസ്സിസ്ടണ്ടും കൂടി ചേര്‍ന്ന് നായര്മാര്‍ക്ക് മൊത്തം അപമാനം വരുത്തി വച്ച്. പണ്ട് എന്‍.ഡി.പി എന്നൊരു ആളില്ല സംഘടന ഉണ്ടാക്കി കരുണാകരന്റെ കോണകം വരെ നനച്ചു കൊടുത്ത് കുറെ നര നായന്മാര്‍ നായരുടെ സര്‍വ ഗമയും കളഞ്ഞു. അവസാനം തൂങ്ങി നില്‍ക്കുന്നതിനു നല്ല ഉറപ്പുള്ള കിടന്ഗൂരനെ ഹൈക്കംമീശനാര്‍ ആയി അയച്ചു..കുറെ അച്ചിക്കൊന്തന്മാരായ പൊട്ടന്മാരെ നായന്മാരുടെ നേത്ര്വുത്വത്തില്‍ കൊണ്ട് വന്നു. ഇന്നും അത് തുടരുന്നു. എപ്പോള്‍ ഈ വൃത്തികെട്ട നേത്ര്രുത്വം മാറുന്നോ അന്നേ നായര് നന്നാവൂ.. നായരുടെ എല്ലാം തൂങ്ങി നില്‍ക്കുന്ന സാധനത്തിനു നല്ല ബലമുന്ടെല്‍ അടുത്ത നിയമസഭ തിരഞ്ഞെടുപ്പില്‍ changanacherriyil എങ്കിലും ഒരു സ്വതന്ത്ര നായരേ നിര്‍ത്തി ജയുപിഇക്ക്...എന്നിട്ട് kurakkuka...

പോങ്ങുമ്മൂടന്‍ said...

ക്രിഷേട്ടാ,

നന്ദി :)

പോങ്ങുമ്മൂടന്‍ said...

പ്രിയ ria n air,


"എന്നാല്‍ നായര്‍ക്കു മാത്രമായിറ്റൊരു ജാതി അതീത ചിന്ത വേണ്ടെന്നും , ജാതി കൊവണികള്‍ വേണ്ടെന്നും, പാവപ്പെട്ടവനായ പുലയനും പാവപ്പെട്ടവനായ നായരും ഒരു പോലെയാണെന്നും, ഒന്നാവേണ്ട കാലം എത്തിയെന്നും ഉള്ളിന്റെ ഉള്ളിലെ വ്യക്തി ചിന്ത."

ഈ ചിന്തയ്ക്കൊരു നമസ്കാരം.

പോങ്ങുമ്മൂടന്‍ said...

മുംബൈ മലയാളീസ്,

നന്ദി :)

പോങ്ങുമ്മൂടന്‍ said...

ആർപീയാർ | RPR : നന്ദി. സന്തോഷം.

Chau Han : ഞാൻ കണ്ടിരുന്നു :)


പാലക്കാട്ടേട്ടാ: സന്തോഷമായി അഭിപ്രായം പറഞ്ഞതിന്. എവിടെയും നായന്മാർക്ക് ഒരേ അനുഭവങ്ങളാണ് എൻ.എസ്.എസിൽനിന്നും നേരിടേണ്ടിവരുന്നതല്ലേ? അനീതിയുടെ കാര്യത്തിൽ ദേശവ്യത്യാസമില്ലാതെ നായന്മാർ കാണിക്കുന്ന ഒരുമ മഹനീയം തന്നെയല്ലേ പാലാക്കാടേട്ടാ? :)

പോങ്ങുമ്മൂടന്‍ said...

വീരു: സന്തോഷം. ഇനിയും ഇതുവഴിയൊക്കെ വരണം. നന്ദി

ഗൌരി: ‘വാക്കി’ന് എല്ലാ ഭാവുകങ്ങളും നേരുന്നു.

പോങ്ങുമ്മൂടന്‍ said...

പ്രിയ ധനേഷ് : :)

കുമാരൻ: അങ്ങനെയാവാനാണ് സാദ്ധ്യത.

പോങ്ങുമ്മൂടന്‍ said...

ഘടോല്‍കചന്‍ : :)

ഒരു ഈശ്വരവിശ്വാസി: “നായരുടെ എല്ലാം തൂങ്ങി നില്‍ക്കുന്ന സാധനത്തിനു നല്ല ബലമുന്ടെല്‍ അടുത്ത നിയമസഭ തിരഞ്ഞെടുപ്പില്‍ changanacherriyil എങ്കിലും ഒരു സ്വതന്ത്ര നായരേ നിര്‍ത്തി ജയുപിഇക്ക്...എന്നിട്ട് kurakkuka...“

പറഞ്ഞതത്രയും കാര്യങ്ങൾ. :)

keraladasanunni said...

അനീതി ചെയ്യുന്നത് ഒരു വശം. അതിനേക്കാള്‍ വലിയ മറ്റൊരു കാര്യമുണ്ട്.

ഒന്നു രണ്ട് പ്രാവശ്യം കരയോഗം മീറ്റിങ്ങിന്ന് ചെന്നിരുന്നു. ഞാന്‍ കണ്ട പ്രത്യേകത നാല്' നായന്മാര്‍ കൂടുന്ന ഇടത്തെ പ്രധാന അജണ്ട സദസ്സില്‍ ഇല്ലാത്ത ഒരു നായരെ കുറിച്ച് ദൂഷ്യം പറയുക എന്നത് മാത്രമാണ്.

താലപ്പൊലിയോടു കൂടിയ സ്വീകരണം ഏറ്റുവാങ്ങുകയല്ലാതെ എന്നെങ്കിലും നായന്മാര്‍ക്ക് വേണ്ടി എന്തെങ്കിലും നല്ല കാര്യം ഇവര്‍ ചെയ്യുമോ.
palakkattettan

p.achari said...

നായന്മാര്‍ക്ക് രാഷ്ട്രീയ ശക്തി ആവാന്‍ പറ്റുന്നില്ല എന്നത് സമുദായത്തെ സംബന്ധിച്ചിടത്തോളം ദുഖകരമായ അവസ്ഥ ആണ്. മുസ്ലിം, ക്രിസ്ത്യന്‍, ഈഴവ ( ഒരു പരിധി വരെ) സമുദായങ്ങളെ പോലെ ഒരു സമ്മര്‍ദ ശക്തി ആവാന്‍ നായര്‍ക്ക് ഒരിക്കലും കഴിയില്ല എന്നാ വസ്തുത ഉള്‍കൊള്ളാന്‍ കഴിയാത്തത് കൊണ്ടാണ് പെരുന്നയില്‍ നിന്നും ഇതുപോലത്തെ അപ ശബ്ദങ്ങള്‍ കേള്‍കുന്നത്. മുകള്‍ പറഞ്ഞ സമുദായങ്ങള്‍ ഒന്നും പൂര്‍ണമായും സ്വയം വളര്ന്നവരല്ല. മുന്നണി സംവിധാനത്തില്‍ കൂടി വളര്‍ത്തപെട്ടവര്‍ ആണ്.
ഇന്നത്തെ നാല്‍പതു വയസിനു മുകളില്‍ പ്രായമുള്ള മിക്കവാറും ആളുകള്‍ക്കും നായന്മാരില്‍ നിന്നും മോശം പെരുമാറ്റം കിട്ടിയിട്ടുണ്ടാവും. 84 ലെ ഒളിമ്പിക്സ് കാണാന്‍ അടുത്തുള്ള നായര്‍ തറവാടിലെ living room ഇല്‍ കയറി ഇരുന്നതിനു ( നിലത്തു , തറയില്‍...) അവിടുത്തെ വീട്ടമ്മ എന്നെ ഇറക്കി വിട്ടിട്ടുണ്ട്. നായന്മാരുടെ സ്വഭാവത്തെ കുറിച്ച് എനിക്ക് മനസ്സില്‍ വരിക മന്നം ആചാര്യനെ അല്ല പഴയ തറവാട്ടമ്മ ആണ്. ഒരു പക്ഷെ നമ്മുടെ പ്രബലരായ നേതാക്കള്‍ എല്ലാം നായര്‍ ഇതര മതസ്ഥര്‍ ആണ്. അവര്‍ക്കോ അവരുടെ മുന്‍ തലമുരക്കോ തീര്‍ച്ചയായും വളരെ മോശമായ പെരുമാറ്റം സവര്‍ണരില്‍ ഭൂരിപക്ഷം അയ നയ്രരില്‍ നിന്നും ഉണ്ടായിട്ടുണ്ട്. പിന്നെ എങ്ങിനെ അവര്‍ നായര്‍ സഭയെ ഒരു രാഷ്ട്രീയ ശക്തി ആയി വളര്‍ത്താന്‍ സഹായിക്കും.

പോങ്ങുമ്മൂടന്‍ said...

പ്രിയ ആചാരി,

താങ്കളുടെ അനുഭവം ദൌർഭാഗ്യകരം തന്നെ. അത്തരം അനാചാരങ്ങളുടെ കാലം ഒരു പരിധിവരെ കഴിഞ്ഞ സമയമല്ലേ ഇത്. ഒക്കെ മറന്നുകളയുക. ക്ഷമിക്കുക.

പിന്നെ നായരെ നിശിതമായി വിമർശിച്ചുകൊണ്ട് ഇങ്ങനൊരു പോസ്റ്റ് എഴുതിയ ഞാനും നായരാണ്. അതുകൊണ്ടുതന്നെ ബഹുമാനപ്പെട്ട ആചാരിയുടെ മനസ്സിലുണ്ടാവേണ്ട നായർ ബിംബം ആ വിവരദോഷിയായ തറവാട്ടമ്മയുടേതാവരുത്. ഈ പോസ്റ്റ് എഴുതിയ, അതിനെ പ്രോത്സാഹിപ്പിച്ച് അഭിപ്രായം പറഞ്ഞ നായന്മാരെയാണ് അങ്ങ് മനസ്സിൽ കാണേണ്ടത് :)

നായന്മാർ ഒരു വോട്ടുബാങ്കായി മാറത്തത് 40 കഴിഞ്ഞ രാഷ്ട്രീയക്കാർ നായന്മാരിൽനിന്നും നേരിട്ട ദുരനുഭവങ്ങളുടെ പേരിൽ അവർ നായരെ വളർത്താത്തതുകൊണ്ടാണെന്ന അഭിപ്രായത്തോട് ഞാൻ വിയോജിക്കുന്നു. ബഹുഭൂരിപക്ഷം വരുന്ന നായന്മാരുടെ മതേതരത്വ സ്വഭാവം കൊണ്ടാണ്‘ നായരുടെ‘ ലേബലിൽ നായന്മാർ അണിനിരക്കാത്തത്. സകല സമുദായത്തിന്റെയും മനസ്സിൽ ജാതിചിന്തയുണ്ട്. നായരുടെ ഉള്ളിലും ഉണ്ട്. എന്നാൽ നായരെന്ന ജാതിപ്പേരിൽ സംഘടിക്കാതിരിക്കുക എന്നതൊരു നല്ല കാര്യമല്ലേ?

ഈഴവരും ബ്രാഹ്മണരും ആശാരിമാരും മൂശാരിമാരും ബ്രാഹ്മണന്മാരും മുസ്ലീങ്ങളും ക്രിസ്ത്യാനികളുമൊക്കെ സ്വന്തം ജാതിയെ സ്നേഹിച്ചോട്ടെ, അതിൽ അഭിമാനിച്ചോട്ടെ. എന്നാൽ അവരുടെ തലയെണ്ണി വോടുബാങ്കായി ഈ രാജ്യത്ത് നിലകൊള്ളാതിരുന്നാൽ മതി. മറ്റു ജാതികളെ പുച്ഛിക്കാതിരുന്നാൽ മതി.

നന്ദി ആചാരി.

എന്ന്
ആചാരിയെ ബഹുമാനിക്കുന്ന ഒരു നായർ.

പോങ്ങുമ്മൂടന്‍ said...

പാലക്കാട്ടേട്ടൻ പറഞ്ഞത് മനസ്സിലായി :)

achari said...

പ്രിയ സുഹൃത്തേ ,.
നായര്‍ ജാതിയെ ഞാന്‍ പുഛിചു എന്നാ ഒരു ധ്വനി മറുപടിയില്‍ ഉള്ളത് പോലെ തോന്നി. അങ്ങനെ വിചാരിക്കരുത്. അങ്ങനെ ഒരു ഉദ്ദേശവും എനിക്കില്ല, അത് ശ്രദ്ധിച്ചു വായിച്ചാല്‍ മനസിലാകും.. ഉദാഹരണത്തിന് , പെരുന്നയ‌ില്‍ നിന്നും ഉള്ള "അപ ശബ്ദം" എന്നാണ് ഞാന്‍ എഴുതിയത്. അങ്ങ് എഴുതിയത് പോലെ "കുര" എന്ന് വേണേല്‍ ആക്കാമായിരുന്നു. പക്ഷെ അതിനൊരു മോശം അര്‍ഥം വരും എന്ന് തോന്നിയത് കൊണ്ടാണ് "അപ ശബ്ദം" എന്ന് തന്നെ എഴിതിയത്. .. അത് പോട്ടെ ..

പൊതുവായി ഹൈദവ പിന്നോക്ക സമൂഹത്തിനുള്ള , ഒരു പക്ഷെ ഏതേലും complex ആയിരിക്കും എനിക്ക് ഉണ്ടായ മോശം അനുഭവം ഇപ്പോഴും മനസ്സില്‍ സൂക്ഷിക്കാന്‍ കാരണം. ചവിട്ടുന്നവനും കൊള്ളുന്നവനും ഒരേ വികാരം ആയിരിക്കില്ല.

മതേതര സ്വഭാവം ഉള്ളത് കൊണ്ടാണ് നായര്‍ സമുദായത്തിന് വോട്ട് ബാങ്ക് ആവാന്‍ പറ്റാത്തത് എന്നതിനോട് എനിക്ക് യോജിപ്പില്ല. അതിനു കാരണം ഉറപ്പുള്ള ഒരു രാഷ്ട്രീയ വേദി ഇല്ലാത്തതു കൊണ്ടാണ് എന്ന് തോന്നുന്നു. ഇന്ന് ജനങ്ങള്‍ കൂടുതല്‍ കൂടുതല്‍ വര്‍ഗ്ഗീയമായി ചിന്തിക്കുന്നു. അതില്‍ നായര്‍ മാത്രം ഒരു അപവാദം എന്നില്ല. RSS പ്രവര്‍ത്തകനായിരുന ഞാന്‍ എന്റെ വോട്ട് കോണ്‍ഗ്രസിന്‌ കൊടുത്തത് മുസ്ലിം പ്രീണനം പരസ്യമായി നടത്തിയ CPM തോല്കുന്നേല്‍ തോറ്റൊട്ടെ എന്ന് കരുതി ആണ്. അതുകൊണ്ട് ഞാന്‍ സെകുലര്‍ ആകുന്നില്ല. BJP ഉറപ്പുള്ള ഒരു മുന്നണിയുടെ ഭാഗം ആയിരുന്നെങ്കില്‍ ഞാന്‍ ആ മുന്നണിക്കെ വോട്ട് ചെയ്യുമായിരുന്നുള്ള്.

ജനങ്ങള്‍ അംഗീകരിച്ച വിമോചന സമരത്തിന്‌ ശേഷം , കൂടെ ഉണ്ടായിരുന്ന ക്രൈസ്തവ സഭകള്‍ പുരോഗതിയിലേക്ക് പോയതും, നായര്‍ സമൂഹത്തിനു അതെ അളവില്‍ പുരോടതി ഉണ്ടാകാത്തതും എന്തുകൊണ്ടാണെന്ന് മനസിലാക്കണം. ചത്ത കുതിര ആയിരുന്ന മുസ്ലിം ലീഗ് എങ്ങിനെ ഏറ്റവും ശക്തരായ പാര്‍ടി ആയി. മതേതരം കൊണ്ട് നടന്നോ , വിദേശ സഹായം കൊണ്ടോ അല്ല ന്യുനപക്ഷങ്ങള്‍ പുരോഗമിച്ചത്. മറിച്ച് അവര്‍ ജാതി പറയുന്നത് കൊണ്ടാണ്. അതുകൊണ്ട് അവരെ രാഷ്ട്രീയക്കാര്‍ പേടിക്കുന്നതുകൊണ്ടാണ്. കഴിഞ്ഞ തിരഞ്ഞെടുപ്പിന് സഭ സ്വന്തം സ്ഥാനാര്‍ഥിയെ പ്രഖ്യാപിച്ചു. ഉടനെ ചാണ്ടിയും കൂട്ടരും എത്തിയില്ലേ സമവായത്തിന് ?...അവര്‍ മത്സരിചെങ്കില്‍ സഭയുടെ അവകാശവാദങ്ങള്‍ പോളിഞ്ഞെനെ ?. അപ്പോള്‍ അവരുടെ credibility കാത്തു സൂക്ഷിക്കേണ്ടത് കോണ്‍ഗ്രെസ്സില്ലേ കുഞ്ഞാടുകളുടെ ആവശ്യം ആയിരുന്നു. ആ ഒരു motive നായര്‍ സമൂഹത്തോട് രാഷ്ട്രീയ പാര്‍ടികള്‍ക്ക് ഇല്ല ...

സസ്നേഹം ആചാരി.

പോങ്ങുമ്മൂടന്‍ said...

പ്രിയ ആചാരി,

അങ്ങെന്നെ തെറ്റിദ്ധരിച്ചോ എന്നേ എനിക്കിപ്പോൾ ഭയമുള്ളു. താങ്കൾ നായർ ജാതിയെ പുച്ഛിച്ചുവെന്ന് ഞാൻ വിചാരിച്ചിട്ടേയില്ല.

കുര എന്ന വാക്ക് താങ്കൾ സൂചിപ്പിച്ചതുപോലെ മോശമാണെന്ന അറിവോടെ തന്നെയാണ് ഞാനിവിടെ ഉപയോഗിച്ചത്. സത്യത്തിൽ അതിലും മ്ലേച്ഛമായ ഒരു വാക്കായിരുന്നില്ലേ ഞാനിവിടെ കുറിക്കേണ്ടിയിരുന്നത്?

ആചാരി, താങ്കൾ പറഞ്ഞത് ഞാൻ മനസ്സിലാക്കുന്നു. എന്റെ മറുപടി താങ്കളെ എതിർക്കാനായി കുറിച്ചതല്ല. ദയവായി അങ്ങനെ വിചാരിക്കരുതേ..

സ്നേഹപൂർവ്വം
ഹരി / പോങ്ങു

Anonymous said...

നായ നായരുടെ ആരായിട്ടു വരും.

Jijo said...

പൊങ്ങുമ്മൂടോ, ഒരു ഡ്യൂപ്ളികേറ്റ്‌ ഐ ഡി. ഉണ്ടാക്കി അതിലൊരു ക്രിസ്ത്യന്‍ പേരുമിട്ട്‌ ഞങ്ങടെ മെത്റാന്‍മാര്‍ക്കിട്ട്‌ ഇതുപോലൊരു താങ്ങു കൊടുക്കാന്‍ എത്ര തരണം?

കാശുണ്ടായിട്ടൊ, സ്വയം ചെയ്യാന്‍ ആഗ്രഹമില്ലഞ്ഞിട്ടോ അല്ല. ഇങ്ങനെ എഴുതി പിടിപ്പിക്കാന്‍ അറിയാഞ്ഞിട്ടാ കേട്ടോ. ഇതുപോലെ തല്ലാന്‍ ഒരുത്തന്‍ ഉണ്ടായിരുന്നെങ്കില്‍ ഞങ്ങളും എന്നേ നന്നായേനെ.

Jijo said...

ഇലക്ഷനില്‍ നിന്ന്‌ ജയിച്ച്‌ മന്ത്രിയായ ഒരു നായരെ "അയാളെ നിറുത്തരുതെന്ന്‌ ഞങ്ങള്‍ പറഞ്ഞിരുന്നതാ" എന്നു ഭൂമി മലയാളം മുഴുവന്‍ കാണ്‍കെയും കേള്‍ക്കേയും വിളിച്ചു പറയുന്ന ശുംഭത്വത്തിനു ശുംഭത്വം എന്നു തന്നെയല്ലെ പറയാ?

ഇതു നായര്‍ക്ക്‌ മാത്രമല്ല മലയാളിയെന്നു അഭിമാനിക്കുന്ന എല്ലാവറ്‍കും നാണക്കേടാണ്‌. കാരണം, സമ്മതിച്ചാലും ഇല്ലെങ്കിലും 'നായര്‍' എന്നതു 'മലയാളി' എന്നതിണ്റ്റെ ഒരു പര്യായം തന്നെയാണ്‌.

MOHAN PUTHENCHIRA മോഹന്‍ പുത്തന്‍‌ചിറ said...

പൊങ്ങുമ്മൂടാ -
ഈ പണിക്കരും നായരും കൂടി സ്വന്തം സമുദായത്തിന്റെ അന്തസ്സു കെടുത്തുന്ന പരിപാടികള്‍ ആസൂത്രണം ചെയ്യാന്‍ തുടങ്ങിയിട്ട് കുറച്ചു കാലമായി.
സുകുമാരന്‍ നായരുടെ ‘കുര’ ടി.വി.യില്‍ കണ്ടപ്പോള്‍ സത്യത്തില്‍ മൂക്കത്തു വിരല്‍ വച്ചിരുന്നു പോയി. ഇത്ര മാത്രം അധപതിക്കാമോ ഒരു സമുദായ നേതാവ് എന്നായിരുന്നു ചിന്തിച്ചു പോയത്. ഏതായാലും ആ അല്പത്തരത്തിനെതിരെയുള്ള ആത്മാര്‍ത്ഥമായ താങ്കളുടെ ധീരമായ പ്രതികരണം വളരെ ശ്ലാഘനീയമായിരിക്കുന്നു.

പോങ്ങുമ്മൂടന്‍ said...

"നായ നായരുടെ ആരായിട്ടു വരും."

സംശയമെന്ത് അനോണിമാമാ,

‘ര‘ പോയ നായരാണ് നായ.

അപൂർവ്വം നായന്മാരിൽ മാത്രം കണ്ടുവരുന്ന ഒരു പ്രതിഭാസമാണ് ‘ര’യുടെ കൊഴിഞ്ഞുപോക്കെങ്കിലും സമയത്ത് ചികിത്സിച്ചില്ലെങ്കിൽ ഇത് വ്യാപകമായി, പ്രായഭേദമെന്യേ സകല നായന്മാരുടെയും ‘ര’ കൊഴിച്ചിലിന് കാരണമായേക്കും.

സംശയം തീർന്നെന്ന് വിശ്വസിക്കുന്നു അനോണിമാമ :)

പോങ്ങുമ്മൂടന്‍ said...

പ്രിയ ജോജി,

സംഗതി ശുംഭത്വം തന്നെ. എന്തുചെയ്യാം. ഇവറ്റകളെയൊന്നും സമുദായത്തിന്റെ നേതൃത്വത്തിൽ നിന്ന് എളുപ്പം മാറ്റാനും കഴിയില്ല. അനുഭവിക്കുക തന്നെ.

കമന്റിനു നന്ദി. ഇനിയും വരണം. കാണാം.

പോങ്ങുമ്മൂടന്‍ said...

പ്രിയ MOHAN PUTHENCHIRA മോഹന്‍ പുത്തന്‍‌ചിറ : അഭിപ്രായമറിയിച്ചതിൽ വളരെ സന്തോഷം. നന്ദി

കുറുപ്പിന്‍റെ കണക്കു പുസ്തകം said...

ഹരിയേട്ടാ, എവിടയും ഏതൊക്കെ തന്നെ, ഇവടെയും എന്‍ എസ് എസ് ആന്‍ഡ്‌ എസ് എന്‍ ഡീ പീ തുടങ്ങിയിട്ടുണ്ട്,ഒരു പ്രയോജനവും ഇല്ലാ. പോസ്റ്റിലെ കാര്യങ്ങള്‍ തന്നെ നടക്കുന്നെ.

ആര്യന്‍ said...

Agree 100%... Especially,

"നായർ സർവ്വീസ് സൊസൈറ്റി, സാമ്പത്തികമായി പിന്നോക്കം നിൽക്കുന്ന നായന്മാർക്ക് ഏതെങ്കിലും വിധത്തിലുള്ള സഹായസഹകരണങ്ങൾ നൽകുന്നുവെന്ന് ഞാൻ വിശ്വസിക്കുന്നില്ല. അവർക്കൊരിക്കലും താങ്ങും തണലുമായിട്ടില്ല എൻ.എസ്.എസ്..."

(Also, I would like to add that the example of the poor Nair family is something that happens in everyone's neighborhood.)

ആര്യന്‍ said...

Jijo:

ബെര്‍ളിയെ അറിയില്ലേ? :)

Quilon Mail said...

ബ്ലൂലോകത്തിലെ ആണ്‍കുട്ടി ആരെന്ന് ചോദിച്ചാല്‍ ഒറ്റ ഉത്തരം മാത്രം
പോങുംമ്മൂടന്‍... പോങുംമ്മൂടന്‍.....

സമൂഹത്തിനോ സ്വന്തം സമുദായത്തിനോ
യാതൊരു ഗുണവും ചെയ്യാതെ കാലാകാലങ്ങളില്‍ മാറിവരുന്ന സര്‍ക്കാരിനോടു വിലപേശി
schoolളുകളും college ളുകളും സ്വന്തമാക്കി സ്വന്തം കീശ വീര്‍പ്പീക്കാന്‍ വേണ്ടി
ജാതിസം കളിക്കുന്ന ഇത്തരം സംഘടനകളെയും അതിന്‍റെ നേതാക്കന്മാരെയും ഒറ്റപ്പെടുത്തണം..

പോങുംമ്മൂടാ നേതാവേ
ധീരധയോടെ നയിച്ചോളൂ ബ്ലോഗ്ഗേര്‍സ്‌ എല്ലാം പിന്നാലെ....

പോങ്ങുമ്മൂടന്‍ said...

കുറുപ്പിന്റെ കണക്കുപുസ്തകത്തിന് നന്ദി. :)

പോങ്ങുമ്മൂടന്‍ said...

ആര്യൻ: ബെർളിയും ഞാനും ഒരേ നാട്ടുകാർ തന്നെ. എന്നാൽ ഇന്നേവരേ നേരിൽ കാണാൻ കഴിഞ്ഞിട്ടില്ലെന്നു മാത്രം

പോങ്ങുമ്മൂടന്‍ said...

Quilon Mail : ഇനിയും ഇങ്ങോട്ടൊക്കെ വരിക.

Anonymous said...

ആരും എന്താ ‘ അഴകിയ രവനനെയ് “ ലെയ് ഇനസെന്റ്റി നെയ് പറ്റി പരയാതിരുനത് he is tha other ex. of some nss presidents

പ്രവീണ്‍ വട്ടപ്പറമ്പത്ത് said...

ഒരുപാട് വൈകി ഇവിടെ എത്തിയപ്പോള്‍ ..നന്നായിട്ടുണ്ട്.. പെരുന്നയിലെ ചില വിവരദോഷികളുടെ അഭിപ്രായം ഒരു സമുദായത്തിന്റെ അഭിപ്രായമായി കാണാന്‍ മാത്രം മന്ദ ബുദ്ധികളല്ല കേരള ജനത
( മറ്റുള്ളവന്റെ അച്ഛനും അമ്മയ്ക്കും തെറി വിളിക്കാന്‍ അവസരം പാര്‍ത്തിരിക്കുന്ന ബൂലോഗത്തിലെ ജാതി വെറിയന്മാരെയൊഴിച്ചുനിര്‍ത്തിയാല്‍ ..)..

തുടരുക...
ഒരു ദരിദ്രവാസി നായര്‍

Anonymous said...

Ente achan nattile nayanmare visheshippikkunnathu enthanennariyuo? " Nakki Nayanmar"..
Elladathum ithokkethanneyanalle avastha... :D

Anonymous said...

Ente achan nattile nayanmare visheshippikkunnathu enthanennariyuo? " Nakki Nayanmar"..
Elladathum ithokkethanneyanalle avastha... :D


Oru pavam Nair (From Thrissur)

Anonymous said...

G Madhavan Nair (ISRO) um Priyadarsan um,..... okke alukal angeekarikkunna mekhalakalil thilangunnathu,samudaya nethakkalude request kondnanennu thonnum ....perunnayil ninnum vanna "Manthri vachakam" kettal !!!. Kazhivundenkil arkkum valuthakavuna ee lokathu, vivaram ketta prasthavanakale Nair sahodaranmar thalli parayendathu thanne...Thanks Pongs.

PS: Mannathu acharyan kashtapettu undakki vachathellam eduthu, sukhimanmarayi kazhiyumbol...oru nerathe ari vangan adutha veetil kai neeti nilkkunna pavam Nair e engane kanananu?

Jinoop J Nair.